− Gaza sektorynda otandastarymyzdyń edáýir bóligi turatynyn eskere otyryp, Syrtqy ister mınıstrligi Qazaqstannyń memlekettik organdarymen birlesip, azamattardyń quqyqtary men bostandyqtaryn qorǵaý múddesinde urys aımaǵynan evakýasııalyq ushýlar uıymdastyrdy. Olardyń otbasy múshelerin qosqanda 127 adam elge oraldy, – dedi Murat Nurtileý.
Onyń málimetinshe, Gazada bir Qazaqstan azamaty men onyń 10 otbasy múshesi - óz erkimen kóshirýden bas tartqan Palestına azamattary qaldy.
– Mınıstrlik pen sheteldik organdar jaǵdaıdy baqylaýdy ustap otyr. Olar Qazaqstan azamattarynan shyǵarý týraly ótinishter túsken jaǵdaıda evakýasııalaýǵa daıyn. Sondaı-aq Gaza sektoryndaǵy gýmanıtarlyq jaǵdaıdyń nasharlaýyna baılanysty Qazaqstan Prezıdenti Qasym-Jomart Toqaevtyń tapsyrmasy boıynsha Gaza turǵyndaryna bir mıllıon tonna gýmanıtarlyq júk jáne 38 mıllıon dollar kóleminde gýmanıtarlyq kómek jibergenin eske salǵym keledi. Bul azyq-túlik taýarlary, tósek-oryn jabdyqtary, dári-dármek jáne medısınalyq maqsattaǵy buıymdar, − dep atap ótti SIM basshysy.
M.Nurtileý otandastarymyzdyń týǵan jerine sátti evakýasııalanyp, gýmanıtarlyq júkterdiń jetkizilýi Qazaqstan Respýblıkasynyń tartylǵan memlekettik organdary men sheteldik mekemelerdiń birlesken jumysynyń nátıjesi ekenin atap ótti.
Eske salaıyq, 17 qarashada Qazaqstan bıliginiń alǵashqy evakýasııalyq ushaǵy 99 azamatty, onyń ishinde 59 Qazaqstan Respýblıkasynyń azamaty jáne 40 sheteldikti otbasymen birge Otanyna sátti jetkizdi. Ekinshi reıs 11 jeltoqsanda Mysyrdan oralyp, Astanaǵa 28 adamdy, onyń ishinde 8 Qazaqstan Respýblıkasynyń azamaty jáne 20 palestınalyq otbasy múshelerin ákeldi.
