Foto: Qarmet
Premer-mınıstr Álıhan Smaıylovtyń tóraǵalyǵymen ótken talqylaýda kásiporynnyń operasııalyq prosesterin turaqtandyrý, ony qajetti shıkizatpen qamtamasyz etý, sondaı-aq birqatar quqyqtyq rásimderdi júrgizý sharalary syndy ózekti máseleler qozǵaldy.
Sondaı-aq Qarmet-tegi kombınat jabdyqtaryn jańǵyrtý, zamanaýı óndiris tehnologııalaryn engizý jáne ónerkásiptik qaýipsizdik standarttaryn arttyrýdy kózdeıtin ınvestısııalyq baǵdarlamany iske asyrý josparlanyp otyr.
Kezeń - kezeńimen júzege asyrylatyn jobanyń birinshi kezeńinde shamamen 1,3 mlrd dollar qarjy bólinedi.
Premer-mınıstr jańa ınvestorǵa, eń bastysy, jumysshylardyń qaýipsizidigin qorǵaý talabyn qoıdy.
«Kásiporyn jumysshylary aldyndaǵy barlyq mindettemelerdi ýaqtyly oryndaý qajet. Osyǵan oraı, óndiristi odan ári serpindi damytýdyń, shyǵarylatyn ónim kólemin ulǵaıtýdyń jáne anyqtalǵan ekologııalyq zańnama talaptaryn buzýshylyqtardy kezeń-kezeńimen joıý mańyzdy», dedi Álıhan Smaıylov.
Keńes nátıjesinde Qarmet-ti damytýdyń árbir baǵyty boıynsha ortalyq memlekettik organdar jańa ınvestormen birge naqty is-qımyl josparyn ázirleý tapsyryldy.
