Foto: vkadre_kz
«Alataýdaı bıik tulǵaly almatylyq aǵaıyn úshin Asy jaılaýynyń qadiri men qasıeti bólek. Buny biz jyl basynda osynda kelgende erekshe ańǵardyq. Eki jarym myń metr bıiktikte en jaılaǵan qasterli mekenniń jekege ótip ketkeni jergilikti jurttyń qabyrǵasyna qatty batqan. Masaq aýyldyq okrýgi turǵyndary «Buǵyty» aýmaǵyndaǵy kólemi 2,4 myń gektar jer ýchaskesi jekeniń qolynda ekenin aıtyp shaǵymdanǵan bolatyn. Májilis depýtaty Baqytjan Bazarbek, Aýyl sharýashylyǵy mınıstrligi, Jer resýrstaryn basqarý komıtetiniń tóraǵasy – Jerdi paıdalaný men qorǵaý jónindegi Bas memlekettik ınspektory Murat Temirjanovpen birge arnaıy kelip, jergilikti jurtpen júzdestik.
Biz bul máseleni bes aı buryn kelgende estigen soń máseleni kótergenbiz. Halyqtyń mal jaıý muqtajyn qanaǵattandyrý maqsatynda jaılaýdyń birshama bóligi memleket menshigine qaıtarylǵanyn jetkizdik. Osy oraıda oblys boıynsha barlyǵy 213,5 myń ga jaıylymdyq jerler aýyldyq okrýgterge berilgenin erekshe atap ótkenimiz jón.
Bul jumystardyń barlyǵy «Jer Amanaty» komıssııasynyń jergilikti atqarýshy organdarmen birlese otyryp atqarǵan jumystarynyń nátıjesi. Bul ıgilikti istiń basy ǵana. Kezinde jerge qısynsyz ıelik etip, jaıylym jerdiń tapshylyǵyn qoldan jasaýshylarmen kúres áli de jalǵasa bermek», dep jazdy D.Káribek Facebook paraqshasynda.
