Foto: aqparatqogam
«Prezıdent 1 qyrkúıekte elimizdiń áleýmettik-ekonomıkalyq damýyna, nátıjesinde otandastardyń ómir súrý deńgeıin arttyrýǵa arnalǵan reformalardyń jańa paketin usyndy. Oń ózgeristerdiń mańyzdy sharty - azamattyq qoǵamnyń belsendi qatysýy. Almaty oblysynyń azamattyq sektor ókilderi únemi belsendilik tanytyp, qoǵamdyq-saıası prosesterge beı-jaı qaramaıtyny qýantady», dedi Aıda Balaeva.
Mınıstr Almaty oblysy turǵyndarynyń suraqtaryna jaýap berip, olardyń usynystaryn tyńdady. Kezdesýge qatysýshylar Aıda Balaevaǵa sońǵy jyldary otandyq kınoındýstrııada shyǵarylyp jatqan kontentke nazar aýdarýdy surady. Sonymen qatar blogerlerdiń, áleýmettik jelidegi pablık ákimshileriniń jaýapkershiligin kúsheıtý, shyndyqqa sáıkes kelmeıtin jáne halyqty adastyratyn aqparatty ornalastyrýǵa qatysty másele qozǵalyp, usynystar aıtyldy.
Odan bólek, halyqtyń dinı saýatyn arttyrý, balalar ádebıetin basyp shyǵarýǵa qoldaý kórsetý de aıtyldy.
Azamattardy jeke qabyldaý barysynda vedomstvo basshysy jas mamandardyń jalaqysyn kóterýge baılanysty suraqtarǵa jaýap berdi. О́ńirdegi azamattyq sektor ókilderi tarıhı jáne mádenı mura salasyndaǵy jobalardy iske asyrýǵa qoldaý kórsetilse degen usynysyn aıtty. Respýblıkalyq hám óńirlik BAQ ólderimen de júzdesip, medıa óristi damytýdyń mańyzyn talqylady.
