Problemalardy turǵyndarmen birge talqylady

Depýtattar qııar ósirýge mamandan­ǵan jańa jylyjaı kesheninde boldy. Aımaq turǵyndaryn jumyspen qamtamasyz etip otyrǵan bul kásip­oryn oblys halqynyń qııarǵa degen suranysynyń shamamen 30%-yn qanaǵattandyra alady. Senatorlar sonymen qatar Qyzyljar aýdanynda aýdandyq máslıhat depýtattarymen, qoǵamdyq keńes múshelerimen jáne aýdan aktıvimen kezdesti. Kez­desýge qatysýshylar Memleket bas­shy­synyń «Egemen Qazaqstan» gaze­tine bergen suhbatynda elimizdiń óńirlerin áleýmettik-ekonomıkalyq odan ári damytýǵa baǵyttalǵan negizgi tujyrymdaryn talqyǵa saldy. Kezdesý barysynda aýdan ortalyǵynda zamanaýı túrdegi jańa emhana salý týraly másele kóterildi. Depýtattar bul máseleni jedel sheshýdiń mańyzdylyǵyn atap ótip, ony baqylaýǵa alatynyn jetkizdi. 

Senatorlar sonymen qatar Qyzyl­jar aýdanyndaǵy №3 Beshkól orta mekte­binde boldy. Depýtattar oqý úde­risiniń ereksheligimen tanys­ty jáne  mu­ǵalimder qaýymymen júz­desti. Son­daı-aq Senat qyzmetiniń negiz­gi qory­tyndylary, elimizde júzege asyp jatqan saıası jáne áleýmettik-ekono­mıkalyq reformalar týraly áńgimeledi.

Depýtattar oblys ákimi Ǵaýez Nurmu­ham­betovpen kezdesti. Oblys basshysy senatorlardy jyl qorytyndylary men aldaǵy kezeńge arnalǵan josparlar týraly habardar etip, parlamentshilerdi jylytý maýsymy jáne kóktemgi sý tasqynyna daıyndyq jaǵdaıymen tanystyrdy. Senatorlar óz kezeginde turǵyndar joldaǵan hattarda aıtylǵan birqatar problemalyq máselege toq­taldy jáne azamattardy qoldaý, ká­sip­­kerlikti damytý jónindegi Senat qabyl­daǵan zańdar týraly málim etti.