Jalpy jyldyq ınflıasııa deńgeıi 9,8%-dy qurap, alǵash ret azyq-túlik ındıkatory azyq-túlik emes taýarlar ındıkatorynan tómen boldy. Azyq-túlik ınflıasııasyn tómendetýdiń negizgi qozǵaýshy kúshi – áleýmettik mańyzy bar azyq-túlik baǵalary.
Saýda jáne ıntegrasııa birinshi vıse-mınıstri Aıjan Bıjanova atap ótkendeı, mınıstrlik ınflıasııa deńgeıin 2024 jyly 6-8% deńgeıinde ustap turý úshin aǵymdaǵy jaǵdaı men besjyldyq úrdisti eskere otyryp, árbir óńir boıynsha áleýmettik mańyzy bar taýarlar bólinisinde ındıkatıvti bólshek saýda mánderin eseptedi.
«О́ńirler men taýarlar bólinisindegi ÁMAT-tyń ındıkatıvti baǵasynyń jobasy 2024 jyly 6-8%-dan aspaıtyn ınflıasııanyń nysanaly deńgeıi negizinde eseptelgen. Usynylatyn kórsetkishter aǵymdaǵy naryqtyq konıýktýrany, maýsymdyq faktordy jáne boljamdy trendterdi eskeredi. Sondaı-aq deldaldyq shemalardy tergeý jónindegi óńirlik komıssııalardyń jumysy da jalǵastyrylatyn bolady», dedi Aıjan Bıjanova.
Aýyl sharýashylyǵy vıse-mınıstri Erbol Tasjúrekov turaqtandyrý qorlaryndaǵy un men nan baǵasyn turaqtandyrý jáne kókónis qoryna qatysty jaǵdaıdy málimdedi.
«Qazirgi ýaqytta ákimdikterdiń derekteri boıynsha ÁKK-de 25,7 myń tonna kóleminde un qory bar, onyń ishinde turaqtandyrý qorlarynda – 14,1 myń tonna, aınalym shemasy sheńberinde – 11,5 myń tonna. Ákimdikter men Azyq-túlik korporasııasynyń memorandýmdary aıasynda óńirlerdi jeńildetilgen bıdaımen qamtamasyz etý boıynsha jumystar júrgizilip jatyr. 2023 jyldyń qyrkúıek-jeltoqsan aılarynda bekitilgen bıdaı kólemi 64,5 myń tonnany quraıdy, qazirdiń ózinde 60,8 myń tonna bıdaı jóneltildi», dedi vıse-mınıstr.
Onyń aıtýynsha, 2024 jyldyń qysqy-kóktemgi kezeńine 174,1 myń tonna (100,6 myń tonna kartop, 25,6 myń tonna pııaz, 22,6 myń tonna qyryqqabat, 25,1 myń tonna sábiz) kóleminde kókónis qory qalyptastyrylǵan. Bul kólemder naryqqa aqpan-sáýir aılarynda retteýshi áser etý úshin jetkilikti.
Vıse-mınıstr ákimderge mamyrdan shildege deıin kókónis baǵasynyń ósýine jol bermeý úshin erte jınalatyn egindi jetkizýge arnalǵan forvardtyq kelisimsharttar jasaý qajettigin eske saldy.
«Bıylǵy maýsymaralyq kezeńdi qarjylandyrý ótken jyldyń 1 tamyzynan bastalýǵa tıis edi. Alaıda óńirler áli kúnge deıin erte pisetin kókónisterdi jetkizýge forvardtyq sharttar usynǵan joq», dep atap ótti E.Tasjúrekov.
Jıyndy qorytyndylaı kele Serik Jumanǵarın ótken jyly azamattardyń ınflıasııalyq kútýleri óte joǵary bolǵanyn, bul úrdis 2022-2023 jyldardaǵy ınflıasııaǵa áser etkenin aıtty. О́ńirlerdiń úılesimdi jumysynyń arqasynda baǵanyń ósýin tejeýge múmkindik týdy. Tipti jańa jylǵa deıin el turǵyndary baǵanyń ósýin baıqamady, al halyq úshin ınflıasııanyń negizgi taýar-markeri árqashan azyq-túlik boldy.
«Bıyl ınflıasııa dálizine 6-8% kirý mindeti tur. Kókónis qorlaryn brondaý úshin naqty jospar qurý kerek jáne bul jumysty aqpan aıynyń sońynda emes, áldeqaıda erterek bastaý qajet. Qajet bolǵan jaǵdaıda jemis-kókónis ónimderin bir óńirden ekinshi óńirge birneshe kún ishinde jetkizý maqsatynda óńiraralyq kólik logıstıkasynyń tıimdiligin arttyrý kerek. О́nimsiz deldaldardy anyqtaý boıynsha óńirlik komıssııalardyń jumysyn kúsheıtý qajet», dep qorytyndylady S.Jumanǵarın.
