Foto: Erlan Omar
«Qazaq gazetteri» JShS-niń bas dırektory Dıhan Qamzabekuly qazir buqaralyq aqparat quraldarynyń jańa kezeńge ótý úrdisi júrip jatqanyn aıtty.
«Sizder bul qarashańyraqta úlken synnan ótip, mol tájirıbe jınaısyzdar. Jýrnalıst qoǵam aǵymyna oraı, talabyna saı tushymdy dúnıe usyna alýy tıis. Gazet redaksııasyndaǵy bilikti, bilgir, tájirıbeli jýrnalısterdiń qaıraýy men shyńdaýynan ótip ysylý kerek. Stýdent kezden adam óziniń tańdaǵan mamandyǵy boıynsha damý jolyna túsedi, kem-ketigin túzeıdi. Búgingi stýdent – erteńgi maman. Medıa alańda ózderińniń izderińdi qaldyrý úshin eńbek etý qajet» degen D.Qamzabekuly L.N.Gýmılev atyndaǵy Eýrazııa ulttyq ýnıvesıtetimen«Egemen Qazaqstan» gazeti erteden áriptestik baılanys ornatqanyn aıtty.
Sonyń bir kórinisi esepti elimizdegi iri medıaqurylym men ulttyq ýnıversıtet basshylyǵy arasyndaǵy kelisim nátıjesinde bolashaq jýrnalısterdiń teorııalyq bilimin óndiriste, tájirıbe júzinde ushtastyrýǵa jaǵdaı jasalyp otyr.
Eýrazııa ulttyq ýnıversıtetinde praktık mamandardy oqytýshylyq qyzmetke shaqyrý tájirıbesi burynnan bar. Bilim ordasy men eńbek ujymdary, jumys berýshi mekemeler arasyndaǵy ýaǵdalastyq negizinde stýdentterdiń óndiristik tájirıbeden ótýi de júıeli jolǵa qoıylǵan. Buǵan qosa redaksııada jumys prosesimen tanysa otyryp, bilikti mamandardyń dárisin tyńdaý, turaqty túrde tájirıbelik sabaqtar ótkizýdiń de stýdentter úshin paıdasy mol bolary anyq.
«Jýrnalıstıka jáne saıasattaný» fakýltetiniń dekany Qaırat Saq gazet redaksııasymen ýnıversıtette fakýltet qurylǵan kezden bastap áriptestik baılanys ornatylǵanyn aıtty. Ekijaqty memorandým aıasynda birlesken jumystar atqarylǵanyn, sol úrdis jalǵasyn tabatynyn jetkizdi.
«Fakýltetimizdiń praktıkalyq sabaǵyn gazet redaksııasynda ótikizýge qoldaý kórsetken «Qazaq gazetteri» JShS basshylyǵyna alǵys bildiremiz. Stýdentterimiz úshin 105 jyldyq tarıhy bar aǵa basylymnyń redaksııasynda tájirıbeden ótip, tálim alýy zor bedel, úlken mektep bolmaq dep sanaımyn», dedi Q.Saq.
«Qazaq gaazetteri» JShS bas dırektorynyń orynbasary Qambar Ahmet keıingi tolqyn úshin BAQ salasynda óris keńeıgenin, jumys tabý asa qıyndyq týdyrmaıtynyn, biraq básekege tótep berý, zaman aǵymyna ilesý qajettigin aıtty. Áleýmettik jeliniń kúsh alyp turǵan shaǵynda dástúrli BAQ-tyń da dárejesi tómendemeýi tıis ekenin, jýrnalıstiń kásibıligi izdenis pen beıtaraptyq kózqarasynan da aıqyndalatynyn jetkizdi
Jýrnalıstıka jáne saıasattaný fakýlteti Baspasóz jáne baspa isi kafedrasynyń meńgerýshisi Amangeldi Shúrentaev stýdentterdiń aǵa basylym redaksııasynda tájirıbeden ótip, bilimin shyńdaıtynyna senim bildirdi. Joǵary kýrs stýdentteri úshin oqý tájirıbesin redaksııa ujymynda ótkizý keleshekte jumysqa ornalasýyna da zor múmkindik ekenin atap ótti.
Redaksııada ótetin «Qazirgi medıanyń menedjmenti jáne marketıngi» taqyrybyndaǵy alǵashqy praktıkalyq sabaqty «Egemen Qazaqstan» gazetiniń Internet redaksııa jetekshisi Qýat Áýesbaı ótkizedi.
