Foto: Qaraǵandy oblysynyń ákimdigi
Jarylys saldarynan bolǵan zalaldy arnaıy komıssııa anyqtaıdy. Aýdan basshysy barlyǵyna tıisti kómek kórsetiletinin aıtty.
«Qaza tapqandardyń týystaryna kóńil aıtamyz. Olardyń otbasylaryna kómek kórsetiledi. Biz zalaldy baǵalaýmen aınalysatyn komıssııa quramyz. Eshkimdi problemasymen jalǵyz qaldyrmaımyz. Jergilikti atqarýshy organ jergilikti sıpattaǵy Tótenshe jaǵdaı jarııalady», dedi aýdan ákimi Abylaı Sultanǵalı.
Jarylys bolǵan úıdiń turǵyndary ýaqytsha týys-týǵanynyń úıine ornalastyrylǵan. Qazir oqıǵa ornynda jedel shtab jumys istep jatyr.
«Úıindiler tazartyldy. Jergilikti atqarýshy organdar barlyq qajetti tehnıkany ýaqtyly usyndy, sonyń arqasynda bes adam qutqaryldy. Adamdar úıindilerdiń astynda, plıtalardyń astynda qalyp qoıǵan. Krandar men úsh ekskavator tartyldy. Qazir TJD men polısııa qyzmetkerleri tekserý júrgizip jatyr. Jarylystyń aldyn-ala sebebi — gaz ballonynyń durys jumys istemeýi. Gaz ballony sýyqtan jyly bólmege kirgizilgen. Bolǵan oqıǵaǵa kim kináli ekenin quqyq qorǵaý organdary anyqtaıdy», dedi Qaraǵandy oblysy TJD bastyǵynyń orynbasary Amanbek Beısembaev.
Buǵan deıin biz úıindi astynan 2 adamnyń máıiti tabylyp, 5 turǵyn qutqarylǵanyn habarlaǵan edik.
