Foto: FK «Astana»
«Bizdiń Abat mansabyn Túrkııa chempıonatynda jalǵastyrady. Ulttyq quramanyń shabýylshysy Abat Aıymbetov «Adana Demırspor» komandasynyń oıynshysy atandy. Qos tarap 1.5+1 júıesi boıynsha kelisimshartqa qol qoıdy. Sáttilik serik bolsyn, Abat», delingen Qazaqstan fýtbol federasııasynyń habarlamasynda.
Túrkııalyq «Adana Demırspor» 2023-2024 fýtbol maýsymynda kestede 20 komandanyń ishinde ázirge 8-orynǵa jaıǵasqan. Endi Abat Aıymbetov Marıo Balotellı, Nanı syndy tanymal fýtbolshylarmen bir klýbta dop tebedi.
Abat túrkııalyq klýbta «Mılannyń» eks-oıynshysy, senegaldyq M’Baıa Nıanganyń ornyn basady.
Aıta keteıik, Abat keıingi el chempıonatynda «Astana» sapynda 45 match ótkizip, 10 gol soqqan. 3 nátıjeli paspen kózge túsken.
