Bul týraly ol Qazaqstan men EAEO elderi úkimet basshylarynyń qatysýymen ótken plenarlyq otyrysta aıtty.
Á.Smaıylovtyń aıtýynsha, bul usynys tehnologııalyq sheshimdermen, patenttermen jáne ınnovasııalyq ıdeıalarmen almasý úshin aıtylyp otyr.
«Bul bizdiń ózara is-qımylymyzdy jaqsartady jáne óńirimizdegi kásipkerler men zertteýshilerge jańa tehnologııalarǵa qol jetkizýge múmkindik beredi», dedi ol.
Qazaqstan Premer-mınıstri birlesken kúsh-jiger ózara tıimdi seriktestikti tereńdetýge, tehnologııalyq damýǵa jáne X ındýstrııasyna kóshýge yqpal etetinine senim bildirdi.
«Biz AI salasyndaǵy zertteýlerdi birlesip júrgizýge jáne derekterdi óńdeý men taldaýǵa qajetti ortaq ınfraqurylymdy qurýǵa kúsh-jigerimizdi biriktirýge daıynbyz. Sonymen qatar biz jobalarymyz boıynsha ázirlemelerimiz ben tájirıbemizben bólisýge daıynbyz», dep qosty Álıhan Smaıylov.
Plenarlyq otyrysqa Qazaqstan Premer-Mınıstri Álıhan Smaıylov, Belarýs Premer-mınıstri Roman Golovchenko, Reseı Úkimetiniń Tóraǵasy Mıhaıl Mıshýstın, О́zbekstan Premer-mınıstri Abdýlla Arıpov, Qyrǵyzstan Mınıstrler Kabıneti Tóraǵasynyń orynbasary Adylbek Qasymalıev, EEK Alqasy Baqytjan Saǵyntaev qatysty.
