Bul – mýzykanttyń elordalyq sahnada alǵash ret óner kórsetýi. Mádına Faızıeva – óz eliniń jarqyn pıanısteriniń biri, álemniń jetekshi sahnalarynda belsendi konserttik qyzmetinen bólek, О́zbekstan Memlekettik konservatorııasy arnaıy fortepıano kafedrasynyń meńgerýshisi. Ártistiń shyǵarmashylyǵy Italııa men Germanııada ótken halyqaralyq baıqaýlardaǵy jarqyn jeńisterimen, pıanısterdi daıarlaǵany úshin «Tasanno» syılyǵymen, «Halyqtyq bilim berý salasynyń úzdigi» medalimen jáne «Jyl mýzykanty» syılyǵymen atalyp ótti.
«Álbette, men «Astana Opera» teatrynyń dańqy men onyń ataqty solısteri týraly kóp estidim. Qanyq tembrli, ǵalamat daýysty ánshileriniń arqasynda Qazaqstannyń vokaldyq óneri búkil álemge tanymal, – dep otandyq opera ónerine joǵary baǵa bergen pıanıst ári qaraı áńgimesin elordalyq kórermenge tartý etpek konsertiniń ereksheligi týrasynan tarqatty. – Men úshin Sergeı Rahmanınovtyń tutas shyǵarmashylyǵy erekshe. «Romanspen kezdesý» vokaldyq keshiniń baǵdarlamasyn, árıne, tamasha solıster Azamat Jyltyrkózov pen Bıbigúl Januzaq usyndy. Al S.Rahmanınovtyń fortepıanolyq shyǵarmalarynan quralǵan jeke konsertime keler bolsaq, prelıýdııalardy irikteýge negizinen vokaldyq kesh baǵdarlamasyn tańdaýymyz sebepshi boldy. Prelıýdııalar kóbinese kórkem beıneli romanstarmen, kóńil kúımen, emosıonaldy sáttermen úndes keledi. Mundaǵy parallelderdi sheksiz jalǵaı berýge bolady. №1 sonata re mınorǵa kelsek, bul – S.Rahmanınov shyǵarmalarynyń ishindegi súıikti týyndylarymnyń biri. Sonata baǵdarlamasy I.V.Gıoteniń «Faýst» tragedııasynyń keıipkerleri men sıýjetine negizdelgeni belgili. Biraq, árıne, árkim ózi úshin tereń maǵyna asha alady. Qalaı desek te, bul sonata adam ómiriniń ajyramas bólikteriniń bárin qamtyǵan – bitpeıtin oı tolǵaýlar, kúmán, arpalys, jaqsylyq pen zulymdyqtyń, jaryq pen túnektiń teketiresi, syrshyl kóńil men kúıler, bolmys fılosofııasy».
Konsertter astanalyq tyńdarman qaýymǵa Mádına Faızıevanyń mýzykant retindegi beınesin eki túrli keıipte, eki oryndaýshylyq janrda – jeke oryndaýshylyq jáne vokalıstermen birge ansamblde pash etedi.
«Men úshin jeke óner kórsetý degenimiz – avtordyń erkine barynsha baǵynǵan jaǵdaıda ózin tanytý múmkindigi. Qalaı bolǵanda da, kompozıtordyń týyndysyn ózindik paıymdaý. Al shyǵarmashylyq odaqta, ánshimen mýzykalyq dıalogte óner kórsetý sahnada ómir súrýdiń ózge formalaryn talap etedi. HH ǵasyrdyń basynda kameralyq vokaldyq janrdyń damýy bir erekshe qasıetpen sıpattaldy. Bul fortepıano partııasynyń ósip kele jatqan róli edi. Ol endi ánshiniń partııasymen teń dárejedegi mánge ıe boldy. Rahmanınovtyń romansyndaǵy fortepıanonyń súıemeldeýi dál osyndaı erekshe baılyǵymen, boıaýy men pishinderiniń alýan túrliligimen erekshelenedi, onyń ústine áýezdi jarqyn, bederli vokaldyq partııa onyń tyǵyz qalyń órnegi aıasynda anyq kórinip, eshqashan solǵyn tartpaıdy. Sondaı-aq fortepıano janynda vokaldyq jelimen ushtasqan erekshe áýendi daýys jıi bilinedi, nátıjesinde eki seriktes arasynda mánerli dıalog paıda bolady. Degenmen mazmundalýdyń kúrdelilik dárejesi men formasy qandaı bolsa da, daýys partııasy men fortepıano árdaıym derlik ózara tyǵyz árekettesip, birtutas ajyramas kórkemdik tutastyqty quraıdy. Sózsiz, Bıbigúl Januzaq jáne Azamat Jyltyrkózovpen birge «Romanspen kezdesý» vokaldyq keshinde óner kórsetýimiz arqyly kórkemdik birtutas kórinisti qalyptastyratyn osynaý úılesimdi áriptestikke qol jetkizgimiz keledi», dep aǵynan aqtaryldy mýzykant.
