Kúnshyǵys elinde 72 memleketten kelgen 2 176 sportshy óner kórsetti. Bul jarysty «Egemen Qazaqstan» gazetiniń tórt birdeı tilshisi tamashalap, ár kún saıyn Japonııadan jaǵymdy jańalyqtar men tartymdy aqparattar taratty. Úsh aptaǵa sozylǵan básekeler barysynda Germanııa quramasy jalpy esepte kósh bastady. Nemister 29 júlde (19 altyn+9 kúmis+8 qola) oljalady. Ekinshi jáne úshinshi oryndardy Norvegııa (10+10+5) men Reseı (9+6+3) ıelendi. Kanada (6+5+4) men AQSh (6+3+4) tórtinshi jáne besinshi satylarǵa jaıǵasty. Al jarys qojaıyndary jetinshi oryndy qanaǵat tutty. Olardyń enshisinde – 5 altyn, 1 kúmis jáne 4 qola.
Qazaqstannyń sportshylary da japon jerinen qurqol qaıtqan joq. Baıraqty básekede konkıshi Lıýdmıla Prokasheva (5000 metr) men shańǵyshy Vladımır Smırnov (15 shaqyrym) qola medaldy oljalady.
