Qańtar aıynda BTD qubyry Túrikmenstan men Qazaqstannan 430 000 tonnadan astam munaı tasymaldady. «Socar» men «QazMunaıGaz» ulttyq energetıkalyq kompanııasy arasynda qol qoıylǵan bas kelisimnen keıin energııaǵa baı Qazaqstan ótken jyldan bastap BTD qubyry arqyly óz munaıyn eksporttaı bastady. Bul kelisim jyl saıyn 1,5 mıllıon tonna munaı tasymaldaýǵa múmkindik beredi, eki tarap jyl saıyn Baký men Aqtaý porttary arasynda 12-14 tanker reısin oryndaýǵa mindetti.
О́tken jyly Ázerbaıjan Qazaqstanǵa «Baký-Sýpsa» munaı qubyry arqyly bes mıllıon tonna qazaqstandyq munaıdy tasymaldaýdy usyndy. Keıingi qyryq jylda ashylǵan eń iri munaı ken oryndarynyń biri Qashaǵan munaıy osy baǵytymen tasymaldanady dep kútilip otyr.
Pandemııa qorynan óteýsiz grant aldy
Densaýlyq saqtaý mınıstrligi Dúnıejúzilik densaýlyq saqtaý uıymymen (DDU) birlese otyryp jáne Dúnıejúzilik banktiń qoldaýymen Qazaqstanda Pandemııaǵa qarsy qordyń saltanatty ashylýyn ótkizdi.
Bul bastama eldiń bolashaqtaǵy yqtımal pandemııaǵa tózimdiligin nyǵaıtýǵa baǵyttalǵan. Qazaqstan DDSU Eýropa óńirindegi grant alǵan 36 eldiń biri boldy. Respýblıkaǵa 19 mıllıon dollar kóleminde eldik grant berildi.
Pandemııa qorynyń atqarýshy basshysy Prııa Basý Qazaqstandy ǵana emes, sonymen qatar Ortalyq Azııa aımaǵyn jáne odan tysqary aýmaqtardy bolashaqta pandemııa qaýpinen qorǵaýǵa ujymdyq mindetteme bar ekenin erekshe atap ótti. Ol densaýlyq saqtaý ınfraqurylymyn, epıdemıologııalyq qadaǵalaýdy, shekaralyq baqylaý sharalaryn, zerthanalyq qaýipsizdikti, jedel anyqtaý jáne áreket etý tetikterin nyǵaıtý úshin qor resýrstaryn paıdalanýdyń mańyzdylyǵyn aıtty. Bul bastama mańyzdy kezeńde júzege asyrylyp otyr, óıtkeni jahandyq densaýlyq saqtaý salasy klımattyń ózgerýi kezeńinde pandemııa qaýpine tap bolady. Prııa Basý aldaǵy 25 jylda taǵy bir COVID tárizdi pandemııanyń paıda bolý yqtımaldyǵy 50%-dan asady degen sarapshylardyń boljamdaryna silteme jasaı otyryp, bolashaq densaýlyq saqtaý salasyndaǵy tótenshe jaǵdaılarǵa belsendi daıyndyqtyń mańyzdylyǵyn atap ótti.
Transkaspıı dálizin damytýdyń mańyzy
Saýda-ekonomıkalyq yntymaqtastyq jónindegi Qazaqstan-Germanııa úkimetaralyq jumys tobynyń otyrysy barysynda Indýstrııa jáne qurylys mınıstri Qanat Sharlapaev Qazaqstan úshin Orta dálizdi damytýdyń mańyzy zor ekenin málimdedi.
Indýstrııa jáne qurylys mınıstri Germanııamen strategııalyq sınergııa kontınentaralyq tasymaldaý baǵyttarynyń, sonyń ishinde energııamen qamtamasyz etý baǵyttarynyń toǵysqan jerindegi qolaıly geografııalyq ornalasýymen úılesýi elimizdiń óńirlik ınvestısııalyq hab jáne jahandyq energetıkalyq arenadaǵy negizgi oıynshylardyń biri retindegi ustanymyn nyǵaıtatyny týraly aıtty. «Transkaspıı halyqaralyq tasymaldaý baǵytyn damytýdyń Eýropaǵa energetıkalyq resýrstar men strategııalyq taýarlardyń senimdi jetkizýshisi retinde elimiz úshin úlken mańyzy bar», dedi mınıstr.
Orta dáliz Ortalyq Azııa, Kavkaz, Túrkııa jáne shyǵys Eýropa elderi arqyly Qytaı men Eýropalyq odaqtyń konteınerlik temirjol júk tasymaldaý jelilerin baılanystyrady. Kópjaqty mýltımodaldy kólik ınfraqurylymy Kaspıı jáne Qara teńizderdiń parom termınaldaryn Qytaı, Qazaqstan, Ázerbaıjan, Grýzııa, Túrkııa, Ýkraına jáne Polshanyń temirjol júıelerimen jalǵastyrady. Orta dáliz Qytaıdan Túrkııaǵa, sondaı-aq Eýropa elderine jáne keri baǵyttaǵy júk tasymalynyń artýyn jeńildetedi. Osy dáliz boıymen júretin marshrýttyq poıyz Qytaıdan Eýropaǵa júkti orta eseppen 20-25 kúnde jetkizedi jáne bul kólik dáliziniń basty artyqshylyqtarynyń biri.
О́nerkásip kesheni salynady
Bıyl tamyz aıynda О́zbekstan-Qazaqstan shekarasynda ónerkásiptik kooperasııa kesheniniń qurylysy bastalady. Qazaqstannyń Túrkistan oblysy men О́zbekstannyń Syrdarııa oblysynyń Syrdarııa aýdanynda salynatyn ónerkásip kesheni 100 gektarǵa jýyq jerdi alyp jatyr. Jobaǵa sáıkes nysanda óndiris pen kóterme saýdaǵa jaǵdaı jasalady.
Joba О́zbekstanǵa jumys saparymen kelgen Qazaqstannyń Saýda jáne ıntegrasııa vıse-mınıstri Qaırat Tórebaev, Syrdarııa aýdanynyń ákimi Akmaljon Mahmýdalıev bastaǵan delegasııanyń jáne múddeli mınıstrlikter men vedomstvolardyń ókilderiniń qatysýymen talqylanǵan.
О́ndirilgen ónim úshinshi eldermen qatar О́zbekstan men Qazaqstan naryǵyna da eksporttalady. О́zara taýar aınalymynyń kólemi 10 mıllıard dollarǵa deıin ósedi dep kútilip otyr. Keshen Túrkistan jáne Syrdarııa oblystarynyń jalpy óńirlik ónimin arttyrýǵa jáne shekaralas aýmaqtardy iri logıstıkalyq ortalyqqa aınaldyrýǵa yqpal etedi.
