Elordalyq Turǵyn úı ınspeksııasy basqarmasynyń saıtynda "Kópbalaly otbasylar", "Jetim balalar, ata-anasynyń qamqorlyǵynsyz qalǵan balalar" jáne "Halyqtyń áleýmettik osal toptary" sanattary úshin "Satyp alý quqyǵynsyz jalǵa beriletin turǵyn úı" baǵdarlamasynyń nátıjeleri jarııalandy.
Úsh sanattyń árqaısysyndaǵy tizimder ekige bólinedi: ótken jáne ótpegen.
Halyqtyń áleýmettik osal toptarynyń sanattary úshin qalǵan 76 bir bólmeli páter boıynsha irikteý jalǵasýda.
- Alaıaqtyq jaǵdaılarynyń kóbeıýine baılanysty turǵyndardan óte qyraǵy bolýdy suraıdy. Turǵyn úı ortalyǵynyń qyzmetkerleri telefon qońyraýlaryn shala otyryp, eshqashan kredıtterdi, qaryzdardy óteýdi, turǵyn úı berý úshin qamaýǵa alýdy alyp tastaýdy suramaıdy, – dep jazylǵan Astana ákimdigi taratqan habarlamada.
Baǵdarlama boıynsha ótken azamattarmen turǵyn úı ortalyǵynyń qyzmetkerleri habarlasyp, odan ári is-qımyldar týraly habarlaıdy.
