«Depýtattar ótken jyldyń 20 qazanynda halyqtyń shamadan tys kredıt alýy máselesi boıynsha ótken Parlamentik tyńdaýda tutynýshylyq kredıtter boıynsha jyldyq tıimdi syıaqy mólsherlemesin tómendetý týraly másele kóterdi. Kazirgi ýaqytta mólsherleme deńgeıi ýákiletti organnyń, ıaǵnı Agenttiktiń normatıvtik qaýlysynda belgilenedi. Qazir bankter men mıkroqarjy uıymdarynyń tutynýshylyq kredıtter boıynsha qoldanystaty mólsherlemesi - 56%. Mıkrokredıtter boıynsha jyldyq mólsherleme shamamen 311%-dy, al tıimdi mólsherleme 1300 %-dy quraıdy. Mólsherlemeni azaıtý halyqtyń shamadan tys kredıt alýynyń tómendeýine yqpal etetin faktorlardyń biri bolar edi», dedi Oljas Quspekov.
Osy rette ol Zańnama jáne sot-quqyqtyq reforma komıtetiniń múshesi Únzıla Shapaqqyzynan qaralyp jatqan zań jobasynda jyldyq tıimdi syıaqy mólsherlemesin azaıtý qanshalyqty kózdelgenin surady. Osy másele boıynsha Qarjy naryǵyn retteý jáne damytý agenttiginiń tóraǵasy Mádına Ábilqasymovanyń da pikirin bilgisi keletinin jetkizdi.
«Májilistiń jumys toptary aıasynda bul másele depýtattar tarapynan kóterildi. О́zderińiz atap ótkendeı, búgingi kúni tutynýshylyq nesıeler boıynsha jyldyq tıimdi mólsherleme Agenttiktiń normatıvtik qaýlysymen belgilenedi. Jalpy, bul másele boıynsha depýtattar ortaq sheshimge keldi. Ulttyq bank pen ARRDF-men birlesip, olardyń birlesken buıryqtary arqyly olardyń mólsherlemeleri boıynsha tutynýshylyq nesıeler standartyn belgileý usynyldy. Ekinshi deńgeıli bankterdiń mólsherlemelerin 56%-dan 42%-ǵa, al mıkroqarjy uıymdarynyń mólsherlemelerin 56%-dan 50%-ǵa deıin tómendetý josparlanyp otyr. Búginde bul usynysty Úkimet qorytyndylap jatyr», dep jaýap berdi Ú.Shapaq.
Onyń jaýabyn Mádına Ábilqasymova tolyqtyra tústi.
«Biz bul máseleni jumys tobynda talqyladyq, zań jobasy qabyldanǵannan keıin Agenttik Ulttyq bankpen birlesip sheshim qabyldaıdy», dedi ol.
