Foto: Aýyl sharýashylyǵy mınıstrligi
«Biz, el azamattary retinde, otandyq mashına jasaýdy damytýdyń ne ekenin túsinemiz jáne soǵan múddelimiz, alaıda, bul máseleni úsh turǵydan: ónim berýshiler, qurastyrý óndirisi jáne tutynýshylardyń ózderi – aýyl sharýashylyǵy taýaryn óndirýshiler tarapynan qaraý qajet. Biraq, agrarlyq bıznes ókilderi QR Úkimetinde aýyl sharýashylyǵy tehnıkasynyń ımportyna memlekettik qoldaý sharalaryn ózgertýge qatysty aıtylǵan sońǵy josparlarǵa túsinikteme bere otyryp, eń aldymen, biz aýyl sharýashylyǵy taýaryn óndirýshilerdiń múddesine nazar aýdarýymyz kerek», deıdi agrobıznes ókilderi.
Agrobıznes ókilderiniń pikirinshe, Prezıdent óndiristi eki esege ulǵaıtý, mashına-traktor parkin 10%-ǵa jańartý mindetin qoıdy. Bul jaǵdaıda aýyl bıznesine tańdaý quqyǵyn berý kerek jáne sáıkesinshe, qarjylandyrý quraldaryn qurý qajet. Iаǵnı, aýyl sharýashylyǵy taýaryn óndirýshi ózine qajetti tehnıkany jáne ony satyp alý tásilderin ózi tańdaı alatyndaı arzan aqsha jáne ashyq, qoljetimdi naryq bolýy tıis. Jańashyldyqtar el agrarshylarynyń aıtýynsha, fermerlerdi qandaı aýyl sharýashylyǵy tehnıkasymen jumys isteý kerektigin tańdaý quqyǵynan aıyrýy múmkin.
Sonymen qatar AО́K salalyq qaýymdastyqtar odaǵy Qazaqstan Prezıdentiniń atyna hat joldady. Onyń máni – osy josparlardy iske asyrýǵa asyqpaý kerek, sheshimderden paıda alýshylardy jáne usynylyp otyrǵan ózgeristerdiń AО́K damytý tıimdiligine áserin muqııat zerdeleý qajet.
Esterińizge sala keteıik, osy jyldyń aqpan aıynda Indýstrııa jáne ınfraqurylymdyq damý mınıstrligi elishilik qundylyq máseleleri jónindegi keńeste ımporttyq joǵary ónimdi tehnıkany satyp alý (lızıng) kezinde ınvestısııalardy jáne AShTО́ kredıtteri boıynsha syıaqy mólsherlemesin sýbsıdııalaýdan bas tartýdy usynǵan. Otandyq aýyl sharýashylyǵy mashınalaryna lızıng 6%-ben berilgen kezde, ımporttyq aýyl sharýashylyǵy mashınalaryna lızıngti 15%-ben berý, sóıtip, Qazaqstanda analogtary jınalatyn ımporttyq aýyl sharýashylyǵy mashınalary úshin ınvestısııalyq sýbsıdııalardy tolyǵymen joıý usynyldy.
