Foto: KazTAG
Jýrnalıster Erjan Sadenovten «eks-mınıstr Qýandyq Bıshimbaevtyń tergeý ızolıatoryndaǵy jaǵdaıy basqa sottalýshylarmen birdeı me?» dep surady. О́z kezeginde mınıstr barlyǵy zań aldynda birdeı ekenin aıtty.
«Qazir qylmystyq is sotta qaralyp jatyr. Sol sebepti ol ızolıatorda. Barlyǵy zań aldynda birdeı. Eshkimde erekshe jaǵdaı joq, barlyǵy zańǵa sáıkes otyr. Bizde qamaýdaǵy kameralyq túri bar. Ol bárimen birge, ıaǵnı kameralastarymen birge otyr», dep jaýap berdi mınıstr.
Eske salaıyq, eks-mınıstr Qýandyq Bıshimbaev áıeli Saltanat Núkenovany asa qatygezdikpen óltirdi degen kúdikke ilindi. Oǵan Qylmystyq kodekstiń 99-baby 2-bóligi, 5-tarmaq (kisi óltirý, basqa adamǵa qasaqana ólim jasaý, erekshe qatygezdikpen), sondaı-aq 110-baby 2-bóligi, 1-tarmaǵy (júıeli túrde uryp-soǵý jolymen nemese ózge de zorlyq-zombylyqpen fızıkalyq jáne psıhıkalyq azap shektirý) boıynsha aıyp taǵylǵan.
