Foto: Joǵarǵy sottyń baspasóz qyzmeti
Joǵarǵy Sottyń kommýnıkasııalar bóliminiń basshysy Perızat Sádýaqastyń aıtýynsha, Astana qalasynyń qylmystyq ister jónindegi mamandandyrylǵan aýdanaralyq sotynda Qýandyq Bıshimbaevtyń isi boıynsha alqabıge kandıdattardy irikteý júrip jatqan jabyq otyrys bastaldy. Jınalysta 12 adamnan (10 negizgi jáne 2 rezervtik) turatyn alqabıler quramy qurylady.
«О́zderińizge málim, Bıshimbaevqa qatysty sot talqylaýyna qoǵamnyń qyzyǵýshylyǵynyń artqanyn eskere otyryp, osy is boıynsha ashyq sot otyrystarynan ashyq onlaın-translıasııa uıymdastyrý týraly sheshim qabyldandy. Osylaısha, onlaın-translıasııa arqyly kez kelgen adam, sonyń ishinde BAQ ókilderi bul sot prosesiniń barysyn baqylaı alady. Bul sheshim sot talqylaýynyń ashyq ári jarııaly bolǵanyn jáne jalǵasatynyn bildiredi.
Esterińizge sala keteıin, istiń aldyn ala tyńdaýy da ashyqtyq qaǵıdaty saqtala otyryp ótti. Proseske qatysýshylardyń jáne qatysýǵa nıet bildirýshilerdiń kóptigin eskere otyryp, otyrystan onlaın-translıasııa júrgiziletin qosymsha eki zal uıymdastyryldy», dep jazdy ol.
Aıta keteıik, naýryz aıynyń basynda áıeli Saltanat Núkenovany óltirdi jáne azaptady dep aıyptalǵan Qýandyq Bıshimbaevtyń isin alqabıler alqasy qaraıtyny belgili boldy.
