Atalǵan mınıstrliktiń habarlaýynsha, «Bolashaq» stıpendııasyn damytýdyń 2024–2026 jyldarǵa arnalǵan strategııasy sheńberinde kadrlardy daıarlaý jáne qaıta daıarlaý memlekettik organdardyń ótinimderi boıynsha júrgiziledi. Atalǵan jańa tizimge ınjenerlik-tehnıkalyq qyzmetkerler, agroónerkásiptik keshen salasynyń qyzmetkerleri, mektepke deıingi, orta, tehnıkalyq jáne kásiptik bilim berý uıymdarynyń pedagogteri, medısına qyzmetkerleri, memlekettik qyzmetshiler, buqaralyq aqparat quraldarynyń qyzmetkerleri, mádenıet, týrızm jáne sport salasynyń qyzmetkerleri, sottar jáne sot qyzmetkerleri engizilgen.
1 aıdan 12 aıǵa deıingi ýaqytta 40-tan asa eldiń jetekshi ýnıversıtetterinde, ǵylymı zertteý ortalyqtarynda, salalyq uıymdarynda taǵylymdamadan ótýge bolady.
Taǵylymdamadan ótýden úmitti adamdardan: taǵylymdamaǵa qabyldaıtyn sheteldik uıymnan shartsyz shaqyrtýdyń bolýy; jalpy jumys ótili keminde 3 (úsh) jyl, onyń ishinde mamandyǵynyń tańdaǵan salasynda úzilissiz sońǵy 12 (on eki) aı jumys ótiliniń bolýy; keminde V1 deńgeıde nátıjesi bar QazTest boıynsha emtıhan tapsyrǵany týraly jaramdy resmı sertıfıkatynyń bolýy; IELTS: 9.0-den 5.0, TOEFL: IBT 120-dan 35, PBT/ ITP 677-den 417, DET 75-ten joǵary bolýy talap etiledi.
Eske sala ketken jón, taǵylymdamadan ótý úshin úmitkerler jyljymaıtyn múlikti kepilge qoımaıdy. Biraq mindettemelerdiń oryndalýyn qamtamasyz etý úshin keıingi 12 aıda turaqty tabysy bar 50 jasqa deıingi Qazaqstan Respýblıkasynyń azamattary bola alatyn eki kepilgerdi usynýǵa tıis.
Aıta keteıik, osyǵan deıin Memlekettik keńesshi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótken edi. Sol otyrys barysynda 2024 jylǵa arnalǵan «Bolashaq» halyqaralyq stıpendııasy boıynsha taǵylymdamadan ótetin jumysshylar sanattarynyń tizimin qaıta qaraýǵa sheshim shyǵaryldy. Taǵylymdamadan ótetin mamandardyń jańa tizimi osy sheshimniń negizinde, nátıjesinde bekitildi.
