Investorlarǵa kómirsýtekterdi geologııalyq barlaý salasyndaǵy taýarlardy satyp alý tártibin bekitý quqyǵyn berý týraly máseleler talqylandy. Bul Erejeler qajetti geologııalyq barlaý jumystaryn jyldam júrgizýge jáne ken oryndaryn ónerkásiptik ıgerýge engizýge múmkindik beredi.
Sondaı-aq respýblıka aýmaǵyndaǵy aerogeofızıkalyq jumystardyń jobasy týraly másele qaraldy. Bul – el aýmaǵyn geofızıkalyq kartaǵa túsirýdiń qoljetimdi jáne jedeldetilgen quraly.
Otyrysta sondaı-aq geologııalyq-geofızıkalyq zertteýler salasyndaǵy jekelegen ınvestısııalyq jobalardyń problemalyq máseleleri qaraldy. Talqylaý qorytyndysy boıynsha jaýapty memlekettik organdarǵa tapsyrmalar berildi.
О́ńirlik deńgeıde Batys Qazaqstan oblysy ákimdiginiń ınvestısııalar tartý jónindegi jumysy qaraldy. 2023-2029 jyldarǵa arnalǵan nysanaly ındıkatorlarǵa qol jetkizý úshin 80 jobadan turatyn ınvestısııalyq pýl qalyptastyryldy. 2023 jyly 45 joba iske qosyldy, onyń ishinde medısınalyq ortalyqtar, kirpish zaýyty, asfalt-beton zaýyty, qonaqúı qurylysy, sondaı-aq katýshkalar men jumsaq konteınerlerge arnalǵan flanester óndirisi sııaqty iri jobalardy atap ótýge bolady.
