foto: vıdeodan skrınshot
Úı turǵyndarynyń aıtýynsha, shabýyl jasaǵan er adam uzaq jyldar boıy ata-anasymen osy turǵyn úı kesheninde turady. Olardyń aıtýynsha, er adam nashaqorlyqqa shaldyqqan. Sol túni ol úıine kelip, qaqpany ashyp turǵan kúzetshini kóligimen ádeıi qaǵyp soqty, artynan kólikten túsip, oǵan judyryq ala jóneldi.
Kúzetshi aýyr jaǵdaıda aýrýhanaǵa jetkizilip, sol jerde kóz jumdy. Marqumnyń artynda úsh balasy qalǵanyn aıta ketý kerek.
Almaty Polısııa departamenti adam óltirý deregi boıynsha qylmystyq is qozǵalǵanyn habarlady.
«Aldyn ala málimet boıynsha, turǵyn úı kesheniniń kúzetshisi men turǵyny arasynda janjal shyǵyp, nátıjesinde 45 jastaǵy er adam kúzetshiniń ómirine sáıkes kelmeıtin dene jaraqattaryn keltirip, kúdikti ustalyp, ýaqytsha qamaýǵa alyndy. Qylmystyń basqa mán-jaılary anyqtalyp jatyr», dep habarlady Almaty PD baspasóz qyzmeti.
