Foto: akorda.kz
QHR atalǵan salalar boıynsha óz pozısııasyn joǵary qarqynmen keńeıtetini aıan. Qytaı - Qazaqstannyń progressıvti jáne turaqty bolashaǵyna qoldaý kórsetýge qabiletti negizgi saýda seriktesteriniń biri. Ol árdaıym tehnologııalyq kóshbasshy retinde áreket etedi.
О́z kezeginde, Qazaqstan Ortalyq Azııadaǵy jetekshi ekonomıkaǵa ıe bola otyryp, jahandaný jaǵdaıynda Qytaı úshin neǵurlym ádil halyqaralyq qarjy júıesin qurý boıynsha senimdi áriptes retinde aıaǵynda nyq tur.
Shyn máninde, forým aıasynda Memleket basshysy belgilegen qarjy aǵyndaryn keńeıtý, sıfrlandyrý arqyly jetkizý tizbeginiń ashyqtyǵyn arttyrý, birlesken ınnovasııalyq jobalardy iske asyrý maqsatynda jetekshi azııalyq tehnologııalyq alpaýyttarmen tehnologııalyq yntymaqtastyqty nyǵaıtý, tranzıttik-kóliktik yntymaqtastyqty keńeıtý sııaqty barlyq máseleler is-sharanyń kún tártibimen tyǵyz baılanysty boldy. Sonymen qatar, Prezıdent aıtqan praktıkalyq yntymaqtastyqty tereńdetýge baǵyttalǵan barlyq taqyryptar eki el úshin de óte tıimdi.
Tıisinshe, Qazaqstannyń barlyq mańyzdy halyqaralyq forýmdarǵa qatysýy memleket basshysynyń halyqaralyq yntymaqtastyqty ilgeriletýge, ekonomıkamyzǵa ınvestorlardy tartýǵa, mádenı-gýmanıtarlyq baılanystardy keńeıtýge erekshe nazar aýdaratynyn aıqyn kórsetedi.
Ádilhan GADELShIEV,
Eýrazııalyq ıntegrasııa ınstıtýtynyń sarapshysy
