Foto: factcheck.kz
Densaýlyq saqtaý mınıstrligi Tengrinews.kz redaksııasynyń resmı saýalyna bergen jaýabynda aıtylǵandaı, janýarlar arasynda qaýipti vırýs taraǵanymen, adamdar arasynda «zombı aýrýy» áli tirkelmegen.
«Densaýlyq saqtaý mınıstrliginiń Sanıtarlyq-epıdemıologııalyq baqylaý komıteti janýarlardan adamǵa juǵatyn juqpaly aýrýlarǵa turaqty monıtorıng júrgizedi. Qazirgi ýaqytta Qazaqstan halqyna «zombı aýrýynyń» qaýpi anyqtalǵan joq», dep habarlady vedomstvodan.
Sonymen qatar búgingi kúni adamǵa janýarlardan beriletin aýrýlar jetkilikti. Olardyń ishinde brýsellez, sibir jarasy, qutyrý, lısterıoz, leptospıroz (adamda aýyr ıntoksıkasııamen, búırektiń, baýyrdyń, ortalyq júıke júıesiniń zaqymdalýymen jedel qyzba túrinde bolatyn ınfeksııa, gemorragııalyq sındromnyń damýy ).
«2024 jyldyń qańtar-aqpan aılarynda Qazaqstan halqy arasynda qutyrý, sibir jarasy, leptospıroz jáne lısterıoz aýrýy tirkelgen joq. Alaıda osy kezeńde respýblıka boıynsha brýsellezben aýyratyn 41 jaǵdaı tirkeldi. О́tken jyly brýsellezdiń 693 jaǵdaıy anyqtaldy. Respýblıka boıynsha leptospırozdyń 20 jaǵdaıy jáne lısterıozdyń tórt jaǵdaıy anyqtaldy. Sonymen qatar sibir jarasynyń 37 jaǵdaıy tirkeldi», dep habarlady Densaýlyq saqtaý mınıstrligi.
2023 jyly vedomstvonyń málimetinshe, Qazaqstanda sibir jarasynan bir adam qaıtys bolǵan.
