Sot otyrysynda Bıshimbaevqa sóz berildi. Aıyptalýshy óz sózin osy qaıǵyly jaǵdaıda asa qatigezdikpen kisi óltirmegenin, ondaı oıy bolmaǵanyn, sol úshin kinásin moıyndamaıtynynan bastady.
Sondaı-aq Bıshimbaev marqum áıeliniń týysqandaryna kiná artyp otyr. Aıtýynsha, Núkenovanyń aǵasy men týystary áleýmettik jeliler men BAQ betterinde 5 aı boıy ózine qatysty jalǵan aqparattar taratyp, Qýandyq Bıshimbaevty jaman kórsetý úshin jumys istegen.
«Saltanattyń denesinde saý jeri joq, bir kózi aǵyp ketken degen aqparattar tarady. Biraq negizi olaı bolǵan joq. Ol shyndyqqa janaspaıdy. Al maǵan osynyń bárin túsindirýge múmkindik berilgen joq», dep aǵynan jaryldy áıelin óltirdi dep aıyptalyp otyrǵan burynǵy mınıstr.
