Foto: sud.gov.kz
Mońǵol áriptesteriniń bastamasymen ótken kezdesýge Qazaqstan Respýblıkasy Sot ákimshiliginiń basshysy Naıl Ahmetzakırov, SÁ Halyqaralyq baılanystar bóliminiń meńgerýshisi Shakır Shaıahmetov, Joǵarǵy Sottyń qylmystyq ister jónindegi sot alqasynyń tóraǵasy jáne MHR Sýdıalardyń biliktiligin arttyrý ınstıtýtynyń dırektory Chagdaa Hosbaıar jáne Erdenechımeg Dashpýnsag qatysty.
A.Merǵalıev Qazaqstan Respýblıkasynyń sot júıesi men sot isin júrgizý, sot korpýsynyń táýelsizdigi men kadrlyq áleýetin nyǵaıtý boıynsha qabyldanǵan zańnamalyq sharalar, ákimshilik ádiletti damytý, 2,5 jyl ishinde azamattardyń 63%-y jáne ınvestorlardyń 76%-y memlekettik organdarmen daýlarda utatyny týraly aıtty.
Halyqaralyq reıtıngterde kórsetilgen sıfrlandyrýdyń joǵary deńgeıi, medıasııa, sondaı-aq sottardy biriktirý, eksterrıtorııalyq sottylyq, jasandy ıntellekt elementteri bar IT-júıelerin jáne robottandyrý jónindegi jobalar atap ótildi.
A.Merǵalıev Qazaqstan Respýblıkasy Joǵarǵy Sotynyń sotqa senim deńgeıin arttyrýǵa baǵyttalǵan jobalaryna toqtalyp, Ulttyq statıstıka bıýrosynyń málimeti boıynsha osy jyldyń basynda ol 61%-dy quraǵanyn atap ótti.
О́z kezeginde G.Damdın eki eldiń sot júıesiniń áriptestigine serpindi yntymaqtastyq sıpatyn berýge nıetin bildirdi. Ol sottardy sıfrlandyrý salasyndaǵy jáne ony normatıvtik reglamentteýdegi qazaqstandyq tájirıbeni, onlaın sot isin júrgizý prosesi, jasandy ıntellekti paıdalaný jobasyna jáne t.b. zertteýge qyzyǵýshylyq tanytty.
Sondaı-aq sottardyń táýelsizdigin nyǵaıtý sharalaryna, oqytý is-sharalaryna, sot qaýymdastyqtarynyń halyqaralyq birlestikterimen ózara is-qımylǵa qyzyǵýshylyq tanytatyny atap ótildi.
Kezdesý sońynda taraptar sot tóreligi men sot ákimshiliginiń tıimdiligin qamtamasyz etý maqsatynda ózara tıimdi yntymaqtastyqty damytýǵa nıetti ekenine senim bildirdi.
