Foto: QR Úkimetiniń baspasóz qyzmeti
«Táýlik boıy apattyq-qutqarý jumystaryna 16375 adam men 1600-den astam tehnıka, 377 sý sorý tehnıkasy, 81 sý kóligi, 15 ushaq jumyldyrylǵan. Qazirgi ýaqytta Atyraý, Aqtóbe, Aqmola, Qostanaı, Shyǵys Qazaqstan, Soltústik Qazaqstan jáne Pavlodar oblystarynda 3745 jeke turǵyn úı, 421 aýla aýmaǵy sý astynda qaldy», dedi Rollan Esmaǵambetov Ortalyq kommýnıkasııalar qyzmetinde ótken brıfıng barysynda.
Qazirgi tańda, baqylaýda 105 jol erozııasy, onyń ishinde 4 kópir men 101 jol tósemi turǵanyn atap ótti.
«Kólik qatynasy úzilgen 65 eldi meken joldary da baqylaýǵa alyndy. Respýblıkalyq jedel shtab Atyraý, Aqtóbe, Aqmola, Qostanaı, Shyǵys Qazaqstan, Soltústik Qazaqstan jáne Pavlodar oblystaryn baqylap otyr. Senim telefonyna 1052 qońyraý túsip, psıhologtar zardap shekkenderge jedel psıhologııalyq kómek kórsetip jatyr», dep túıindedi Esmaǵambetov.
Qyrmyzy JUMAǴALIQYZY,
EUÝ stýdenti
