Oblystyq tótenshe jaǵdaılar departamentiniń qoǵammen baılanys tobynan málim etkendeı, Jylyoı aýdanynda avarııalyq-qutqarý jumysy úzilissiz júrgizilip jatyr.
«Jylyoı aýdanynyń Qulsary qalasynda turǵyndardy evakýasııalaý áli toqtaǵan joq. Qutqarýshylar aýyl turǵyndaryn jáne olardyń tórt túligin qaýipsiz jerge kóshirýge kómektesip jatyr. Aýdannan 9 sáýirdegi málimetke sáıkes, 34 998 turǵyn evakýasııalanyp, qabyldaý pýnktterine ornalastyryldy. Onyń ishinde 7 239 bala bar. Eldi mekender turǵyndarynyń ıeligindegi 19 939 bas mal qaýipsiz jerge aıdaldy», dep habarlady departamenttiń qoǵammen baılanys toby.
Jylyoı aýdanyna elimizdiń ár óńirinen 600 tonnadan astam gýmanıtarlyq kómek jetkizilgen.
«Sý astynda qalǵan turǵyn úılerdiń, kásipkerlik sýbektilerine ıelerine, turǵyndarǵa, kásiporyndar men mekemelerdiń basshylaryna sý basqan aýmaqtarǵa barmaýdy suraımyz. Bul tótenshe jaǵdaılar týyndamaýy úshin qajet», dep málim etti departamenttiń qoǵammen baılanys tobynan.
