Oqyrman múddesi – ortaq másele

Ashyq áńgime barysynda bas­pa isiniń kópquramdy, kúrdeli qubylys eken­digi, sol sebepti ózine erek­she kóz­qarasty qajet etetini basa aı­tyl­dy. Nelikten búkil álemde da­myǵan elder túrli sýbsı­dııa men preferensııa arqyly baspa basylymdaryn qoldaıdy? О́ıt­keni gazetter – oqıtyn ult­ty tárbıeleýdegi mańyzdy element­terdiń biri.

Dúnıejúzilik jelide belgili bir kontentti ornalastyrý úshin ın­ternettiń bolýy, eń qıyn jaǵ­daılarda veb-saıtty ázirleý jáne serverdi jalǵa alý qajet bolsa, bas­pa bıznesi bir-birimen tyǵyz baılanysty kásiporyndardyń kúrdeli tizbeginen – gazet-jýrnal­dardyń redaksııalary, baspahanalar jelisi, sondaı-aq poshta qyz­metinen turady. Osy kezeńderdiń árqaısysynda kezdesetin má­se­leler barlyǵyna ortaq bolyp sanalady.

Kezdesýde gazet-jýrnaldardyń baspahanadan sońǵy tutynýshyǵa deıin jetkizilýi, qadaǵalanýy úshin baqylaýdy qalaı kúsheıtý kerek degen negizgi suraqqa jaýap izdestirildi. Poshtashylardy eń­bekke yntalandyrý úshin qandaı sha­ralardy qarastyrý kerek? Mer­zimdi ba­sy­lymdarǵa jazylý naýqany ár joly kedergilerge tap bolmas úshin ne isteý kerek? Ta­raptar osy jáne bas­qa da máse­le­ler­ge qatysty ózara pikir almasyp, birlesken jumysty je­tildirý, nyǵaıtý jónindegi yqtı­mal jobalardy talqylady.

Kezdesýge sondaı-aq «Qazaq ga­zetteri» JShS bas dırektorynyń birinshi orynbasary Vladımır Kýrıatov, «Qazaq gazetteri» JShS Jarnama jáne jazylý bóliminiń bas­shysy Oljas Sharııazdanov, «Qazpochta» AQ ókilderi – poshta servısi jáne memlekettik qyzmet jónindegi basqarýshy dırektor Dáýlet Bekmanov, áleýmettik eńbek qatynastary, eńbekti qorǵaý jáne qoǵammen baılanys jónindegi bas­qarý dırektory Talǵat Ǵazızov jáne basqalar qatysty.