«Altyn Bank» tótenshe jaǵdaı nátıjesinde qarjylyq jaǵdaıdyń rastaı otyryp, zańdy jáne jeke tulǵalardyń qaryzy boıynsha tólemderdi keıinge qaldyrýǵa baılanysty qaryz alýshylardyń ótinishin qaraıdy. О́tinishti «Altyn-i» mobıldi qosymshasyna nemese elektrondyq poshtaǵa (info@altyn-i.kz) jiberýge bolady. Qaryzdardy qaraý jáne keıinge qaldyrý úshin komıssııa alynbaıdy.
«Freedom Bank» te ákimdikten alynǵan tizimge súıene otyryp, tasqynnan zardap shekken jeke tulǵalar men jeke kásipkerlerdiń nesıesi boıynsha tólemdi keıinge qaldyrý rásimin usynady. Shegerim 3 aı merzimge – 2024 jyldyń 1 sáýirinen 30 maýsymyna deıin kúshinde. Sý basqan óńir turǵyndarynyń bul banktegi kredıti úshin aıyppul men ósimpul eseptelmeıdi. Al ótinim berýdiń tártibi qarapaıym.
Qol qoıylǵan ótinishti salem@bankffin.kz pochtasyna nemese + 7 776 159 55 95 whatsapp nómirine joldaý qajet. Bank ótinishti 15 kúntizbelik kún ishinde qaraıdy.
«Bank SentrKredıt» te qarajat bólýmen jáne kredıt boıynsha tólem merzimin keıinge jyljytýmen qatar sý tasqynynan zardap shekkenderge fılıaldyq jeli arqyly kómek kórsetip jatyr.
«Zardap shekken óńirlerdegi ókilderimiz óńirlik bılikpen baılanysyp, kerek-jaraqtyń bárin alyp jatyr. Sondaı-aq qyzmetkerlerimiz birneshe qalada bógetterdi nyǵaıtýǵa erikti retinde qatysyp júr. Almatydaǵy bank qyzmetkerleri óńirlerge jóneltý maqsatynda medısınalyq preparat, balalardyń kerek-jaraǵy, sharýashylyq taýarlary men gıgıenalyq quraldar túrinde gýmanıtarlyq kómek jınap jatyr», delingen málimdemede.
Nesıe tólemin shegerý múmkindigin usynǵan ekinshi deńgeıli bankter arasynda «Nurbank» te bar. Bul qarjy ınstıtýty da 2024 jyldyń 1 sáýiri men 30 maýsymy aralyǵynda nesıe tólemin keıinge qaldyrý bastamasyn júzege asyrady. Sonymen qatar aıyppul men ósimpul eseptelmeıdi.
«Tasqyn saldarynan sharýashylyǵyna zııan kelgen barlyq jeke kásipkerlerdi, shaǵyn jáne orta bıznes sýbektileriniń bergen ótinishi negizinde nesıe boıynsha tólemderdi keıinge qaldyrý múmkindigi usynylady. О́tinish berý úshin bank bólimshesine kelý kerek nemese onlaın ótinim qaldyrý qajet», delingen habarlamada.
Bank saıtynda «Jeke tulǵa úshin ótinim» jáne «Zańdy tulǵa/jeke kásipker úshin ótinim» degen eki úlgi kórsetilgen. Nesıe tólemin keıinge qaldyrý úshin sony toltyryp, ótinish joldaý jetkilikti.
«Bank RBK» klıentteri nesıeni tóleýdi keıinge shegerý úshin info@bankrbk.kz elektrondyq poshtasyna erkin nysanda ótinishti jiberý nemese bólimshege jeke barý arqyly júginý qajet. Keıinge qaldyrýdyń maksımaldy kezeńi osy jyldyń 1 sáýirinen 30 maýsymyna deıin.
«Jergilikti atqarýshy organdar usynǵan tizimderde kórsetilgen klıentterge keıinge qaldyrý klıenttiń ótinishinsiz avtomatty túrde beriledi. Qaryz sharttaryn ózgertý máseleleri boıynsha sheshimdi banktiń tıisti ýákiletti organy qabyldaıdy. Klıenttiń keıinge qaldyrý týraly ótinishin qaraý úshin komıssııa alynbaıdy. Keıinge qaldyrý kezeńinde ósimpul men aıyppul eseptelmeıdi. Klıenttiń ótinishi boıynsha banktiń ýákiletti organynyń oń sheshimi bolǵan kezde bank qyzmetkeri qajet bolǵan jaǵdaıda klıentti qaryz shartyna/kepil shartyna tıisti qosymsha kelisimge qol qoıý úshin bank fılıalyna shaqyrady», delingen málimdemede.
VTB Bank (Qazaqstan) usynatyn sharttar da tap osyndaı. Úsh aı merzimge keıingi qaldyrýdy usynady, aıyppul men ósimpul qospaıdy. Eger klıent keıinge qaldyrý merzimin úsh aıdan da uzartqysy kelse, bank ol máseleni jeke tártippen qaraıdy. Keıinge qaldyrý múmkindigin alýǵa erkin úlgimen bankke ótinish jazý kerek. О́tinishti bólimshege aparyp berýge nemese info@vtb-bank.kz poshtasyna joldaýǵa bolady. Bıznes ókilderi ótinishti «VTB Business» ınternet-banki arqyly nemese saıt arqyly bere alady. Usynylatyn qujattar: fors-major týraly qujat, bıznesti júrgizetin orynnan fotoesep jáne basqa da qujattar.
«ForteBank» sý tasqyny saldarynan qarjylyq jaǵdaıy nasharlaǵan qaryz alýshy jeke tulǵalardyń tólemderdi keshiktirgeni úshin qalyptasqan aıyppuldary men ósimaqylarynyń kúshi joıylady dep habarlady.
«Sý tasqynynan zardap shekken ShOB qaryz alýshylardyń qoldanystaǵy qaryzy boıynsha qaryzdy 3 kúntizbelik aıdan aspaıtyn merzimge uzartý múmkindigimen, komıssııasyz jáne qujattar toptamasyn usynbaı, keıinge qaldyrý merzimi berilsin. Jergilikti atqarýshy organdardyń tizimine sáıkes zardap shekken qaryz alýshylar bank bólimshesine kelmeı-aq, tólemderdi keıinge shegerýge jáne kredıtterin qaıta qurylymdaýǵa banktiń forte.kz resmı saıty arqyly ótinish bere alady», dep málimdeıdi.
Mundaı múmkindikti eldegi bedeldi mıkroqarjy uıymdary (MQU) «KMF» pen «Solva» da usynady.
«Báıterek» holdıngine qarasty «Agrarlyq nesıe korporasııasy» men «QazAgroQarjy» kompanııalary da tasqynnan zardap shekken qaryz alýshylar tólemin keıinge shegeredi.
«2024 jylǵy kesteniń barlyq tólemi 2025 jyldan bastap birkelki tólemdermen qarjylandyrý merziminiń sońyna deıingi tólemderge teńdeı bólinedi. 2024-2025 jyldary qaryzy aıaqtalatyn jobalar boıynsha qyzmet baǵytyna baılanysty tólemi 24 aıǵa deıingi merzimge uzartylady. Bul kóktemgi egin egý jáne kúzgi jıyn-terin jumystarynan bólek barlyq baǵytqa qoldanylady. Al osy baǵyttaǵy qaryz alýshylar boıynsha qaıta qurylymdaýǵa/uzartýǵa ótinimderdi qaraý egin jınaý naýqany aıaqtalǵannan keıin júrgiziledi. Sý tasqyny saldarynan zardap shegip, nesıe tólemin keshiktirgen azamattarǵa aıyppul salynbaıdy, ósimpul eseptelmeıdi», dep málimdedi.
«Agrarlyq nesıe korporasııasy» men «QazAgroQarjy» jumysty jyldamdatýǵa az ǵana qujattyń negizinde ótinim qaraýdyń jeńildetilgen úderisin bekitken.
О́tinish berýshi «Agrarlyq nesıe korporasııasy» men «QazAgroQarjy» tiziminde bolmaǵan jaǵdaıda fors-majorlyq jaǵdaıdyń týyndaǵanyn rastaıtyn aýdandyq deńgeıden tómen emes jergilikti atqarýshy organdardan qujat ákelýge tıis. Alaıda kórsetilgen shart pen tártip 2024 jyldyń 1 sáýirindegi jaǵdaı boıynsha «Agrarlyq nesıe korporasııasy» men «QazAgroQarjy» aldynda merzimi ótken bereshegi 90 kúnnen asqan qaryz alýshylarǵa qatysty emes. Degenmen mundaı qaryz alýshylardy qoldaý maqsatynda turaqsyzdyq aıybyn esepteý 2024 jyldyń 1 sáýirinen 30 maýsymyna deıin toqtatylady.
