Aımaqtar • 21 Sáýir, 2024

SQO-ndaǵy tasqynnyń ekinshi kezeńi: Sý basqan úıler sanynyń artýy kútilmeıdi

200 ret

kórsetildi

1 mın

oqý úshin

Soltústik Qazaqstan oblysynda tasqynnyń birinshi kezeńiniń sharyqtaý shegi ótti. Bógettiń jotasy arqyly eń kóp sý tolyp ketýdiń bıiktigi 425 sm boldy, saldarynan 3 419 úı sý astynda qaldy, olardyń 3 223-i áli úı sý astynda qalyp tur, 196 úıde qaýip joıyldy. Bul týraly SQO ákimi apparatynyń jumyldyrý daıyndyǵy jáne azamattyq qorǵaý bóliminiń basshysy Serik Ǵaısın Ortalyq kommýnasııalar qyzmeti alańynda ótken brıfıngte málimdedi, dep habarlaıdy Egemen.kz.

Shyńǵys MUQAEV

SQO-ndaǵy tasqynnyń ekinshi kezeńi: Sý basqan úıler sanynyń artýy kútilmeıdi

Foto: OKQ

Onyń aıtýynsha, 15 sáýirden bastap Aqmola oblysynyń sý deńgeıiniń qaıta kóterilýine baılanysty ekinshi tolqyn bastalyp ketti.

«Qazirgi ýaqytta Sergeev sý qoımasynda eń joǵary deńgeıler ótti. Ekinshi tolqynnyń shyńyn 21-22 sáýirde kútemiz. Birinshi tolqyn Petropavl qalasynda basylyp keledi, 21 - sáýirdegi deńgeı 1136 sm. Ekinshi tolqynnyń osy aıdyń sońyna deıin ótetini kútilip otyr. Sonymen qatar sý basqan úıler sanynyń artýyn kútpeımiz. Keltirilgen materıaldyq zalal úshin ótemaqy alýǵa ótinishterdi qabyldaý boıynsha jumystar júrgizilip jatyr», dep atap ótti spıker.

1717 otbasy 100 AEK mólsherinde, jalpy somasy 634 mln teńgeni quraıtyn birjolǵy tólem alǵan. Oblysqa respýblıka óńirlerinen jáne Omby qalasynan 576 tonna gýmanıtarlyq kómek ákelinipti.

14 388 adam evakýasııalanyp, 764 adam úıge qaıtarylǵan. Qazirgi ýaqytta zardap shekkenderdi ýaqytsha turǵyn úıge kóshirý júzege asyrylyp jatyr.