Aldyn alý sharalarynyń 92 paıyzy oryndaldy

Oljas Bektenov oblys ortalyǵyn­daǵy turǵyn úı alaptary bekinisterin tekserý barysynda Atyraý qalasy­nyń sý tasqynynyń boljamdy ekin­shi tol­q­ynyna daıyndyq jumys­tarymen ta­nysty. Batys óńirde Reseı Fede­rasııa­synyń Irekli sý qoımasynan sýdyń kelýine baılanys­ty, sondaı-aq Jaıyq ózenine quıylar saǵadaǵy iri tasqyn men sý deńgeıiniń kóterilýi saldarynan jaǵdaı kúrdeli kúıinde qalyp otyr.

Buryn habarlanǵandaı, Batys Qazaqstan oblysyndaǵy iri sý tasqy­nynan keıin aǵyn sý ózen arnasymen Atyraý oblysyna qaraı jyljyp, Kaspıı teńizine quıady. Sońǵy táýlikte Batys Qazaqstan oblysy tarapynan keletin sýdyń áserinen Atyraý qalasynda sý deńgeıiniń 6 sm-ge kóterilýi tirkeldi (sý tasqyny bastalǵannan beri jalpy kóterilýi 227 sm-di qurady).

Turǵyn úı alaptaryn nyǵaıtý, sondaı-aq Jaıyqtyń ótkizý qabiletin arttyrý úshin ózen túbin tereńdetý jumystarynyń qarqyny tekserildi. Tıisti kúshterdiń kólemdi sýdyń kelýine daıyndyq deńgeıin qarap kórdi.

Úkimet basshysy Oljas Bek­tenov Atyraý oblysyna sý tasqyny jaǵ­daıy turaqtanǵan óńirlerden áskerı qyzmetshiler men tehnıkany jedel jetkizip, kúshterdi arttyrýdy tapsyrdy.

Búgingi tańda sý tasqynynyń aldyn alý sharalarynyń 92%-y oryndaldy. Jumysty tıimdi júrgizý úshin qala 111 sektorǵa bólingen. Uzyndyǵy 482 km qorǵanys bógetteri salyndy, aıaqtalǵan ýchaskeler tehnıkalyq qadaǵalaý arqy­ly tekserildi. Jumystarǵa TJM, IIM, Qorǵanys mınıstrligi, Ulttyq ulannyń 6 myńǵa jýyq áskerı qyzmetshisi, ákim­dik qyzmetkerleri, 2 myńǵa jýyq tehnıka jumyldyrylǵan. Eriktiler tarapynan belsendi kómek kórsetilip keledi. О́tken senbide jaǵalaýdy nyǵaı­tý sen­biligi aıasynda qalany qorǵaý jumys­taryna 9 myńǵa jýyq erikti qatysty.

Sonymen qatar Jaıyq ózeninen Kaspıı teńizine sý ótkizý qabiletin arttyrý úshin ózen túbin tereńdetý jumystary júrgizilip jatyr. Sý joldaryn tazartý, tereńdetý jáne keńeıtý maqsatynda arnaıy tehnıkalyq flottyq kemeler, gıdravlıkalyq ekskavatorlar qoldanylýda.

Sonymen qatar sýarý-sýlandyrý júıelerinde sý tasqynyna qarsy ju­mystar júrgizilip keledi. Atyraý oblysynda 15 kanaldyń 14-i Jaıyq ózeni boıynda ornalasqan. Tórt júıede (Sokolok, Naryn, Chernaıa rechka, Baqsaı) tasqyn sýdyń ózdigimen aǵýyna múmkindik bar. Osyǵan baılanysty sýdy burý úshin jer bederin paıdalaný maqsatynda arnalar tazartylyp, kanaldyń jıegi buzylady. Mysaly, NCOC kompanııasy qoldanystaǵy qurylystardy bólshekteı otyryp, uzyndyǵy 24 km bolatyn «Sokolok» qosymsha aınalma arnasyn salý úshin jerdi qazý jumystaryn júrgizýde. Jalpy alǵanda, atalǵan sý burý arnalary tasqyn sýdy 139,9 m3/sek aǵyzý múmkindigine ıe. Barlyq negizgi sý qabyldaǵyshtarda sorǵy stansalarynyń qyzmetkerleri táýlik boıy kezekshilik atqarýda.

Aıta keteıik, qaýipti aımaqqa Jar­sýat jáne Qurylys eldi mekenderi kire­di, bul aýmaqta 10,5 km bóget orna­las­qan. Qazirgi ýaqytta bul aýmaqta arna­ıy tehnıkalar arqyly bógetter turǵy­zyl­ǵan. Sondaı-aq sý basý qaýpi bar In­der­bor, Eltaı, Esbol, Kóktoǵaı, Bódene, О́r­­lik, Yntymaq aýyldarynda bóget­t­er kóterilip jatyr. Jaǵalaýdy nyǵaı­tý ju­mys­tary Inder, Mahambet, Isataı, Qur­manǵazy aýdandarynda júrgizilip jatyr.

Sonymen qatar sý tasqynynan zardap shekken Jylyoı aýdanynda TJ zardaptaryn joıý jumystary júrgizilýde. Elektr jáne gazben jabdyqtaýdy qalpyna keltirý jalǵasyp jatyr. 201 úıde gaz berý qalpyna keltirildi, 41 úıde dezınfeksııalyq jumystar aıaqtaldy. Zardap shekken turǵyndarǵa baspanany ýaqytsha jalǵa alý úshin jáne basqa maqsattarǵa 100 AEK mól­sherinde qarjylyq kómek kórsetiledi, 3 271 otbasy tólem aldy. Zalaldy baǵa­laý jáne óteý jónindegi komıssııa jumysyn jalǵastyrýda.