Foto: Vladıslav Vodnev
Komıssııa otyrysynda zańsyz ıelengen aktıvin erikti túrde qaıtarý jónindegi kelisim maquldandy.
Qaıtarylatyn qarjynyń jalpy somasy - 40 mlrd teńge. Onyń ishinde 38 mlrd teńgeden astamy - aqshalaı qarajat, qalǵan bóligin Astanadaǵy quny 2 mlrd teńge turatyn bıznes-ortalyq quraıdy.
Memlekettik bıýdjetke qaıtarylǵan qarajat áleýmettik maqsattarǵa, onyń ishinde sý tasqyny saldaryn joıýǵa baǵyttalatyny aıta ketý kerek.
«Barlyq qaıtarylǵan qarajat Qazaqstan halqynyń ıgiligine jumsalady», dedi Oljas Bektenov.
Komıssııa otyrysynda buǵan qosa 7 mlrd teńge somasyna ınvestısııalyq kelisimderge qol qoıý maquldandy. Kelisim aıasynda «Zańsyz ıemdenilgen aktıvterdi memleketke qaıtarý týraly» QR Zańy qoldanylatyn tulǵalar Astana jáne Shymkent qalalarynda eki ınfraqurylym nysanyn salady. Atalǵan jobalardy iske asyrý jumys oryndaryn qurýǵa múmkindik beredi jáne qosymsha salyq túsimderin qamtamasyz etedi.
