Ataǵy Aıǵa jetken Arystan

Osydan birneshe jyl bu­ryn kenshiler as­ta­nasyndaǵy Tát­tim­bet atyndaǵy óner kol­led­jin támamdaǵan Arystan Ábil­dın óner jolyndaǵy eń úlken taby­syna qol jetkizgen edi. Daryn­dy jas asa tanymal «Slava Marlow & Morgenshtern» esimdi ánshilerdiń «Bystro» degen týyn­dysyn oryndap, kaverdi 45 mıllıon adam tyńdaǵan. Qara­lym­nyń bási artqan qazirgi ýaqyt­ta bul degenińiz sumdyq nátı­je. Osyndaı jemisti shy­ǵar­ma­shylyq tabysy úshin ol eki bir­deı platına dıskisine ıe boldy.

Iá, Arystandy alǵash «Qa­zaq­stannyń 100 jańa esimi» jeńimpazdarynyń arasynan tanyǵan edik. Jas mýzykant jazǵan kaver álemdik «Shazam»-ǵa ilikken-di. Sonymen qatar ol – tanymal reper «Jah Khalib» uıymdastyrǵan mýzykalyq baıqaýdyń jeńimpazy. Aıta keteıik, «Mádenıet jáne sport» atalymynda jeńiske jetken jas darynǵa 2 790 úmitker qatysqan baıqaýda top jarý da baǵymen qatar eleýli eńbekti qajet etedi.

О́nerpazdar otbasynda ós­ken ol mýzykaǵa bala kezi­nen áýes­tengen. Ákesi mýzyka mektebiniń dırektory bolsa, anasy – hor jetek­shisi. Bes jasynan bastap forte­pıano men barabanda oınaı bastapty. Ata-anasy mýzykant bolǵan soń perzentiniń óner­den alys ketpeýi zańdylyq shyǵar.

Jastaıynan ómirlik jolyn aıqyndaǵan Arystan óz shyǵarmashylyǵy týraly: «Al­ǵashqy avtorlyq ánimdi súıik­­ti qyzyma arnaǵan edim. Ony áleýmettik jeli qolda­ný­shylary joǵary baǵalap, mý­zykamen maqsatty túrde aı­na­lysýyma jiger berdi. Bul meni jańa shyǵarmalar jazýǵa shabyttandyrdy»,  deıdi.

Colorit laqap atymen óner kórsetetin ónerpaz TikTok jáne Instagram áleýmettik jeli­lerinde tanymaldylyqqa ıe bol­dy. Ol otandyq, reseılik, shetel­dik ár­tisterdiń ánderine kaver jazady. Onyń rolıkteri mıl­lıon qaralymǵa jetip, jan­­kúıer sany kún sanap artyp keledi. Ol jazǵan sheteldik áýender nusqasyna Egor Krıd, Klava Koka basqa da tanymal ártister beı­ne­kórinis túsirip júr.

Osyndaı nátıjeden soń jas órenniń tarapyna tanymal reseılik Black Star jáne Sony Music leıbldan usynystar túsken. Qazir mýzykant Zivert, Feduk, Ivan Dorndy nasıhattaý­men aınalysatyn P.M.I. Music mýzykalyq uıymymen kelisim­shartqa otyrdy. Shaǵyn jeke albomy da jaryqqa shyqty.

«Bizdiń kompanııa áriptestik ornatqan reseılik birlestik Ivan Dorn, Zıvert, Fılıpp Kır­­­korov sııaqty tanymal oryn­daý­shylarmen jumys isteı­di. Osy múmkindikti paıdala­nyp kóptegen jańa hıtter shyǵa­ramyz dep úmittenemin», deıdi mýzykant.

Arystannyń áleýmettik jelilerdiń mýzyka alańyndaǵy kórsetkishine taǵy bir toqtalsaq, «Slava Marlow & Morgenshtern» aıtatyn «Bystro» tregi resmı túrde paıda bolǵannan keıin VK men Apple Music charttarynda ǵana emes, sonymen qatar Shazam álemdik top-chartynda jetekshi orynǵa ıe bolǵan edi. Ol Dua Lipa men Billie Eillish-ten de ozyp tústi. Osylaısha, trek reseılik jáne qazaqstandyq TikTok-taǵy trendke aınalyp úlgerdi. Al kaver tórt mıl­lıon­nan asa ret qaralyp, oǵan 190 myń beınekórinis túsiril­di. Mýzykanttyń ókilderi bu­nyń TikTok-taǵy eń tanymal qazaqstandyq trek ekenin málim­degen edi. Kaverge óleń avtory Slava Marlow da óz baǵasyn berdi.

Adamdy alǵa jeteleıtin – arman. Jastaıynan tolaǵaı tabysqa jetken Arystan álemdik sahnalarda án salyp, shy­­­­­­ǵar­mashylyq ıesine aına­lýdy armandaıdy. Jas talanttyń armany men alar bıigi alasarmasyn deımiz.

О́ner ıesi búgingi tańda da shyǵarmashylyqpen qyzý aınalysyp júr. Eske salsaq, Arys­­tan talaı halyqaralyq mýzy­ka­lyq baıqaýda baq synap, oza shapqan edi. Birneshe ret AQSh, Fransııa, Germanııa, Anglııa syndy memleketterden qatys­qan mýzykanttardy shań qaptyrǵan. Aldaǵy ýaqytta da álemdik arenada qazaq eliniń atyn shyǵarady dep senemiz.

Búginde ataǵy Aıǵa ushqan Arystannyń shyǵarmashylyq jolynda «100 jańa esim» joba­synyń orny eleýli ekeni daýsyz. Osyndaı jalpyhalyqtyq dodalarda kóp arasynan aty ozyp, jeńip shyqqan tarlandar bolashaqta eldiń jan-jaqty damýyna qomaqty úles qosatyny haq. Egemen eldiń urpaqtary, ásirese óner salasynda, keıingi jyldary áleýmettik jelilerde alǵaýsyz ataqqa ıe bolyp, she­tel­dik tyńdarmannyń da súıik­­­tisine aınalyp úlgerip jatyr. Bul da táýelsizdik urpaq­ta­ry­nyń jańa kezeńi, jańa kelbe­ti bolsa kerek.