Bilim sapasy biliktilik bıiginde

Memleket basshysynyń «Nurly Jol – bolashaqqa bastar jol» atty Qazaqstan halqyna arnaǵan Joldaýynda memlekettik saıasatty júzege asyrýdyń mańyzdy baǵyttarynyń biri halyqtyń barlyq toptaryn bilimmen qamtý bolyp tabylatyndyǵy atap kórsetilgen. Osyǵan baılanysty Nursultan Nazarbaev úsh aýysymdyq oqýdy joıý, mektepke deıingi mekemelerde kezek máselesin sheshý, sonymen qatar, kásiptik-tehnıkalyq bilim júıesin damytý mindetterin alǵa qoıdy. Elbasynyń bul keshendi mindetterin is júzine asyrý maqsatynda elordanyń bilim berý júıesi belsendilik tanytýda. Keshe Astana qalasynyń ákimi Ádilbek Jaqsybekov kóshpeli keńes ótkizip, bilim mekemeleriniń jumysymen tanysty. Qala bas­shysy Oqýshylar saraıynda, sal aýrýyna shaldyqqan balalar­ǵa arnalǵan №64 «Asyl bóbek» balabaqshasynda, №6 gımnazııada, Astana qalasynyń kásiptik-tehnıkalyq kolledjinde boldy. Elordadaǵy sáýletti ǵımarat­t­ardyń biri – Oqýshylar saraıy 2011 jyly jeltoqsanda Elba­synyń tapsyrmasymen salyndy. Qazirgi kezde onda 9 myńnan as­tam balany qamtıtyn 109 úıir­­­me jumys isteıdi. Mun­da jas jetkinshekterdiń shyǵar­ma­shy­lyq jáne ǵylym-bilimdegi áleýetin damytý úshin balalar men jasóspirimderge arnalǵan Ulttyq ınteraktıvti park ashy­lyp, ǵylym, tehnıka, sport jáne ónerdiń barlyq baǵyttary boıynsha ınteraktıvti stendter men ­eksponattardyń úlken ke­she­­ni usynylǵan. Oqýshylar sa­ra­ıy­nyń janynan ashylǵan jas­tar teatry elimizdegi mań­daıal­dy teatrlardyń biri. Munda jumysqa úzdik jas ártister men rejısserler tartylǵan. Park As­tana qalasynyń turǵyndary men qonaqtaryna, oqýshylarǵa ǵylymı jáne mádenı tanymdarǵa negizdelgen qyzyqty bilim táji­rıbesin usynady, sonymen qatar, jastardyń ǵylymǵa, jańa nár­selerdi zertteýge, sportpen shu­ǵyl­danýǵa jáne salamatty ómir sal­tyn ustanýǵa degen qyzy­ǵý­shy­­lyǵyn arttyrady. Ádilbek Jaqsybekov mekeme basshysyna úıirmelerdiń jáne seksııalardyń qoljetimdiligine, balalardyń demalystaryn qy­zyqty ótkizýlerine nazar aý­darýdy tapsyrdy, sondaı-aq, ata-analardyń balalaryn sek­sııa men úıirmelerge jazý ke­zinde eshqandaı qıyn­dyqtarǵa tap bolmaýy tıis eken­di­gin eskertti. Qala ákimi jańa­­dan ashylǵan №64 bala­baq­shada bolyp, arnaıy jabdyq­talǵan medısınalyq kabınette ótkiziletin emdeý-ońaltý jáne saýyqtyrý shara­larymen tanys­ty. №64 maman­dan­dyryl­ǵan balabaqsha 2012 jyly ashyl­­ǵan, qazirgi kezde onda sal aýrýy­na shaldyqqan 164 bala oqı­dy. Mekemede logopedter men de­fektolog mamandyǵyn meń­ger­gen tárbıeshilermen qosa, pedıatr, fızıoterapevt, ortoped jáne basqa bilikti dárigerler ju­mys isteıdi. Balabaqshada mýzy­kalyq jáne sport zaldary, arnaıy trenajer zaly, sensorlyq bólme, kınozal men etnografııalyq murajaı bar. Bilim mekemelerin aralaý barysynda elorda ákimi qalalyq kásiptik-tehnıkalyq kolledjde boldy. Bul bilim mekemesi 2009 jyly salynǵan, qazirgi kez­de onda 261 stýdent oqyp júr. Kolledj qurylys jáne teh­nıkalyq salanyń maman­daryn daıarlaıdy, mekeme baza­synda jalpy aýdany 1200 sharshy metrdi quraıtyn 24 oqý-ón­diristik sheberhana jumys isteı­di. Sonymen qatar, Ádilbek Jaq­sybekov №6 gımnazııada boldy. Bul oqý ornynda 1289 oqýshy bilim alady. Munda «Aqyldy mektep» jobasy aıasynda turaqty baqylaý júrgiziledi, 30-ǵa jýyq beınekamera ornatylǵan. Kóshpeli keńes barysynda Astana ákimi qalalyq bilim bas­qar­masynyń basshysy Elmıra Sýhanberdıeva bastaǵan maman­darǵa bilim mekemeleriniń ınfra­qurylymyn jáne bilim berý sapasyn jaqsartý jónindegi máse­lelerdi nazarda ustaýdy tap­syr­dy. Ákim barlyq bilim berý mekemelerinde balalardy tamaq­tandyrýdyń sapasyna da nazar aýdardy. Á.Jaqsybekov balabaqshalarda oryndardyń jetispeýshiligi máselesin sheshý úshin memlekettik-jeke men­shik áriptestik salasynda ju­mys­tar­dy kúsheıtýdi, son­daı-aq, aǵym­daǵy jyly orta mektepterde úsh aýysymdyq oqýdy joıýdy, osylaısha, mektepterdiń shamadan tys tolyq bolýyn joıýdy tapsyrdy. Jylqybaı JAǴYPARULY, «Egemen Qazaqstan».