Endi chıptelgen erikti smartfon men kompıýterdi oı kúshimen basqara alatyn «Telepatııa» kıbernetıkalyq mı ımplantyn alady. Ilon Mask birinshi chıptelgen adam 29 jastaǵy Nolan Arbo ózin jaqsy sezinetinin aıtty.
Mamyr aıynyń ortasynda «Reuters» derekkózderi «Neuralink» naýqasynyń mıynan shyǵatyn ımplant kontaktileri máselesimen uzaq ýaqyt boıy kúresip kele jatqanyn habarlaǵan bolatyn. Osyndaı máselege birinshi chıptelgen adam da tap bolǵan edi. Ekinshi chıptelgen adamda ondaı másele bolmas úshin birshama ózgeris engiziledi dedi olar.
Atom saǵaty
Fızıkter atomdyq saǵattyń jańa túrin jasady. Bul týraly «Nature» jýrnalynda jarııalanǵan maqalada aıtylady.
Saǵat terbelmeli ıod molekýlalaryn qoldanýǵa negizdelgen jáne salmaǵy nebári 26 kılogramm. Zertteýshilerdiń aıtýynsha, olar qazirgi ýaqytta kóptegen kemede qoldanylatyn saǵattarǵa qaraǵanda shamamen 1000 ese dálirek. Qurylǵy «Aotearoa» kemesiniń bortynda synaldy. Úsh apta boıy Tynyq muhıtynda ádettegi keme operasııalaryn júrgizdi. Nátıjeler saǵattyń zerthanalyq synaqtardaǵydaı dál ekenin, qatelik sekýndtyń 300 trıllıonnan bir bóliginen az ekenin kórsetti.
Adam tárizdi robot
«Boston Dynamics» gıdravlıkanyń ornyna elektr qýatymen jumys isteıtin adam tárizdi «Atlas» robotyn jasap jatyr.
Qazirgi ýaqytta bul «álemdegi eń epti gýmanoıd robot» dep baǵalanyp otyr. Jańa «Atlas» úlgileri «Hyundai» kompanııasymen birigip daıyndalady. Ol jobaǵa demeýshilik jasap qana qoımaı, robottardy synaý úshin óz zaýyttaryn da beripti.
