Kóshpeliler tarıhyn tolǵaǵan japon qoltańbasy

«Qazaqstannyń jetekshi óner mýzeıiniń qorynan japon óne­ri­niń katalogin basyp shyǵarý eki el arasyndaǵy halyqaralyq mádenı is-qımyldy nyǵaıtý men jandandyrýǵa septigin tıgizedi degen úmittenemiz», – dedi mýzeı dırektory Gúlaıym Jumabekova.

Japon ónerin qamtyǵan jı­naq­qa 250 shyǵarma toptastyryldy. Týyndylardyń kópshiligi mýzeı qoryna Memlekettik Shyǵys óneri mýzeıinen, Qazaqstan Mem­le­kettik ortalyq mýzeıinen, Selınograd oblystyq tarıhı-ólketaný mýzeıinen, taǵy basqa óner oshaqtarynan 1936 jyldan bastap tapsyryla bastaǵan. Mýzeıdiń ǵylymı qyzmetkerleri japon taqyrybyndaǵy týyndylardy zertteı kele, «Japon óneri. XVII-XXI ǵasyrlar» atty jańa katalogti ázirleýge jumylyp, 150 jyldyq tarıhy bar, keńse jáne kásibı sıfr­landyrý salasyndaǵy álemdik kóshbasshy Konica Minolta Kazakhstan kompanııasynyń qoldaýymen jaryqqa shyǵaryp otyr. «Alǵash kópshilik nazaryna mýzeı qorynan usynylyp otyrǵan japon sándik qoldanbaly óneri, músin jáne grafıka toptamasy ónertanýshylar, mýzeı qyzmetkerleri, mamandar men ónerdi baǵalaıtyn barsha oqyrmandarǵa shabyt berip, tyń ıdeıalardyń bastamashysy bola otyryp, Qazaqstan men Japonııa arasyndaǵy dostyq qarym-qatynasty nyǵaıtýǵa qosqan úles bolatynyna shyn júrekten senemiz», – dedi Ortalyq Azııadaǵy Konica Minolta Kazakhstan ókildiginiń basshysy Pavel Shalagınov.

Sondaı-aq kásibı mereke kúngi aýqymdy is-shara áı­gili japon sýretshisi Kaorý Morıdiń týyndylaryna ar­nalǵan «Qalyńdyqtyń hıkaıa­sy» taqyrybyndaǵy manga kórmesimen sabaqtasty. Kór­me ekspozısııasy Ortalyq Azııa­nyń erekshe mádenıeti men ómir saltyn kórsetetin áserli oqıǵalar men qyzyqty keıipkerlerdi sıpattaıdy. Manga – japon ónerin dáripteý maqsatyndaǵy XIX ǵasyrdyń ortasynda bastaý alǵan erekshe baǵyt. XIX ǵasyrdaǵy Ortalyq Azııanyń mádenıeti men dástúrin, otbasylyq qarym-qatynasyn jáne baı murasyn Kaorý Morı keremet manga óneri arqyly tanystyrady. XIX ǵasyrdaǵy kóshpeliler tarıhymen tanysýǵa shaqyrǵan avtordyń bul tarapta aıtary az emes. Kaorý Morı Orta Azııanyń ómirin, peızajdary men sáýletin, osy jerlerdi mekendegen kóshpeli rýlar men qala turǵyndarynyń ómirin asqan sheberlikpen tartymdy beıneleıdi. Kórmeniń jetekshisi Azat Dıdardyń aıtýyn­sha, «Qalyńdyqtyń hıkaıasy» serııa­sy 2008 jyldan bastap Aokishi (Kadokawa) manga jýrnalynda jarııalana bastaǵan. Búginde 14 tomy jaryq kórdi, birneshe tilge aýdarylyp, álemge keńinen tanyldy. Serııa kóptegen otandyq jáne halyqaralyq mara­pat­tar­ǵa qol jetkizdi, sonyń ishinde 2014 jyly Manga Awards syı­lyǵynyń bas júldesin ıe­len­di. 2022 jyly Japonııa men Ortalyq Azııanyń bes eli ara­­syndaǵy dıplomatııalyq qarym-qatynastardyń orna­ǵanyna 30 jyl tolýyna arnalǵan mereıtoılyq joba aıasynda «Qalyńdyqtyń hıkaıasy» Kıo­todaǵy Halyqaralyq manga mý­zeıin­de kórmege qoıyldy. 

«Qalyńdyqtyń hıkaıasy» manga kórmesi «Kadokava» korpo­ra­sııasynyń jáne Qazaq­stan Respýblıkasyndaǵy Japon el­shili­giniń qoldaýymen uıym­das­tyryldy. Merekelik is-shara seriktesi «Ichıkava» Japon orta­ly­ǵy jáne Ál-Farabı atyn­daǵy QazUÝ-dyń Shyǵys tilderi kafedrasynyń uıytqy bolýymen orıgamı, kallıgrafııa, japon tilin úırený, jipten shar jasaıtyn temarı óneri boıynsha sheberlik sabaqtary tegin ótkizildi.

ALMATY