Foto: Oblystyń TJ jónindegi jedel shtaby
Atyraý oblysynyń Tótenshe jaǵdaılar jónindegi jedel shtaby habarlaǵandaı, «Sokolok» kanaly Atyraý qalasyna baǵyttalǵan mol sý nópirin Jaıyq ózeni arqyly retteýdiń negizgi elementteriniń biri bolyp sanalady. Osyǵan baılanysty, kanal boıyndaǵy alǵashqy qorǵanys nysanyna qosymsha, qalany tasqyn sýdan qorǵaýǵa arnalǵan ekinshi qorǵanys nysany salynǵan. Ekinshi qorǵanys bógetiniń beriktigin qamtamasyz etý maqsatynda, qosymsha nyǵaıtý jumystary júrgizildi.
Habarlamada: «Bógettiń bıiktigi Baltyq bıiktik júıesiniń deńgeıine sáıkes ulǵaıtyldy. Atalǵan ýchaskede táýlik boıy kezekshilik uıymdastyrylyp otyr. Qazirgi ýaqytta jaǵdaıdyń ózgerýine baılanysty qajetti sheshimder alý úshin qosymsha tehnıkalar jiberildi», delingen.
