Jastarǵa – jańa baspana

Jýyrda oblys ákimi Nurlybek Ná­li­­baevtyń qaty­sýy­men osy baǵdarlama aıasyn­da Qy­zylorda qalasynyń sol jaǵalaýynan salynǵan 60 pá­terlik turǵyn úıdiń kiltin saltanatty tabystaý rásimi ótti. Jaýapty sala ókilderi men tur­ǵyndar qatysqan rásimde oblys basshysy jańa páter ıelerin qonystoımen quttyqtap, aımaq­tyń qurylys salasyndaǵy ja­ńalyqtarǵa toqtaldy.

«Jastarymyzdy sapaly bilimmen, jumyspen jáne bas­panamen qamtý memlekettik saıasattyń basym baǵyty ekenin bilesizder. Jas otbasylar úshin eń ózekti máseleniń biri – bas­pana. Osyny eskerip, 2022 jyldyń jeltoqsan aıynda ótken oblystyq jastar forýmynda alǵash ret nesıelendirý jolymen «Syr jastary» baǵdarlamasyn júzege asyrý týraly sheshim qabyldanǵan edi. Ony júzege asyrý úshin «Otbasy bank» aksıonerlik qoǵamyna bıýdjettik kredıt berý úshin oblystyq bıýdjetten 1,2 mlrd teńge bólindi. «Syr jastary» – aımaq jastaryn baspanamen qamtý baǵytynda qolǵa alynǵan óńirlik tyń joba. Ony birlesip júzege asyrý úshin «Otbasy bank» AQ 500 mln teńge qarjy bóldi. Búgingi qonystoı – osy birlesken jumystyń jemisi. О́tken jyly aımaqta 4 108 páterlik 300 turǵyn úı salyndy, 2 400-ge jýyq páter tabystalyp, 11 myńnan asa turǵyn qonystoı toılady. Bıyl da bıýdjet qarajaty esebinen 13,3 mlrd teńgege 1 269 páterlik 67 tur­ǵyn úıdiń qurylysy júr­giziledi. Onyń ishinde 350-deı páter aýdandarǵa tıesili. Jyl basynan beri 402 otbasy bas­pana baqytyna keneldi. Búgin 60 jas otbasy jańa baspana esigin ashady. Jaqyn kúnderi Tasbóget kentinen 150 páter qol­danysqa beriledi. Bul – áleý­mettiń ál-aýqatyn artty­rýdaǵy memlekettik qoldaýdyń naqty kórinisi. Jańa qonys qutty bolsyn!» dedi oblys ákimi.

Jıynda baspanany salǵan «Dáneker» qurylys kompa­nııasynyń qyzmetkerleri mara­pat­taldy. Páter kiltin alǵan­dar qatarynda ustazdar, medısına, mádenıet jáne sport salalarynyń qyzmetkerleri, jýrnalıster jáne ózge de sala mamandary bar.

QYZYLORDA