Foto: polisia.kz
Elde iri tranzıttik marshrýttardyń bolýy jáne memlekettiń turaqty damýy sheteldik ınvestorlardy ǵana emes, sheteldik krımınalıtet múshelerin de qyzyqtyrady.
Sondyqtan Qazaqstannyń quzyrly organdary qoǵamdyq ómirge teris yqpal etetin sheteldikterdiń elge kirmeýin baqylaýda ustaıdy.
Nátıjesinde, ótken jyly Qazaqstan aýmaǵyna jaqyn shet elderden kirmek bolǵan qylmystyq toptyń tórt ókili shekarada toqtatyldy.
«Bıyl 19 mamyrda Batys Qazaqstan oblysy polısııa departamenti uıymdasqan qylmysqa qarsy kúres basqarmasy jáne UQKD jedel málimetter boıynsha qylmystyq ortada «zańdaǵy ury» ataǵyna ıe 1963 jyly týǵan irgeles memleket azamatynyń el aýmaǵyna kirý faktisin anyqtady. Qolda bar málimetterge sáıkes Reseıdiń sot organdary oǵan qatysty Reseı Federasııasy Qylmystyq kodeksiniń 210.1-baby «Qylmystyq ıerarhııada joǵary dárejeni ıelený» boıynsha is qaraýyna alǵan», dedi IIM uıymdasqan qylmysqa qarsy kúres departamentiniń ókili Qýandyq Alpys.
Kúdikti Oral qalasynyń polısııasyna jetkizildi. Qajetti tekserý is-sharalaryn ótkizgennen keıin er adam Qazaqstan aýmaǵynan Reseıge jiberilip, kórshi memlekettiń quqyq qorǵaý organdaryna beriledi.
