Foto: Depositphotos
Quzyrly organ qazirgi ýaqytta eldegi 1 myńnan astam jáne sheteldegi 150-den astam múlik obektilerine, 650 mlrd teńgeniń baǵaly qaǵazyna taldaý jasap jatyr. Sondaı-aq elimizde 200-den astam jáne shetelde 140 bank shottary anyqtaldy, nátıjesinde 2 trln teńgege jýyq kúdikti tranzaksııalar baqylaýǵa alyndy.
Premer-mınıstrdiń basshylyǵymen komıssııa 325 mlrd teńgeden astam somaǵa aktıvterdi memleketke qaıtarý týraly kelisim men talapty maquldady, onyń ishinde 272 mlrd teńge aqshalaı qarajat. Qaıtarylǵan qarjy mańyzdy áleýmettik jáne ekonomıkalyq jobalardy júzege asyrýǵa jumsalady.
Elimizdegi jáne sheteldegi quny 50 mlrd teńgeden asatyn aktıvter memleket menshigine berildi. Olardyń ishinde birqatar strategııalyq ken oryndary, monopolıstik kompanııalar, ondaǵan myń gektar jer, sondaı-aq óndiris obektileri, qonaq úıler, bıznes ortalyqtary, vıllalar, páterler, sándi kólikter, zergerlik buıymdar jáne taǵy basqalar bar.
«Aktıvterdi qaıtarý prosesiniń taǵy bir mańyzdy bóligi - áleýmettik jobalardy júzege asyrý. Máselen, tizilimdegi tulǵalar óz erkimen qyzmetterin erekshe qajettilikteri bar adamdar jáne basqa da áleýmettik osal toptar tegin paıdalana alatyn, quny 5 mlrd teńgeden asatyn zamanaýı mádenı-aǵartý ortalyǵyn salynýǵa mindetteme aldy», delingen Bas prokýratýra habarlamasynda.
2022 jyldan bastap ekonomıkany demonopolızasııalaý sharalaryn qosa alǵanda jalpy somasy shamamen 1,7 trln teńgeniń aktıvteri, onyń ishinde, shetelden 750 mln AQSh dollary memleketke qaıtaryldy.
