Foto: gov.kz
Eske salaıyq, osy jyldyń 1 qańtarynan aılyqtary tarıf esebinen tólenetin «Qazsýshar» mamandarynyń eńbekaqylary orta eseppen 23%-ǵa kóterilgen edi. Nátıjesinde, kásiporyn qyzmetkerleriniń jalpy sanynyń 47%-ynyń aılyǵy ulǵaıǵan. Bul arnalar arqyly sýarmaly sý jetkizýdi qamtamasyz etetin mamandar.
«Mınıstrlik kadr jetispeýshiligi máselesin sheshý maqsatynda sý salasy mamandyqtarynyń tartymdylyǵyn arttyrý úshin birqatar is-sharalardy júzege asyryp jatyr. Máselen, «Qazsýshar» qyzmetkerleriniń eńbekaqysy respýblıkalyq bıýdjetten jáne tarıf esebinen de kezeń-kezeńimen ulǵaıyp otyr. Budan bólek, saladaǵy mamandar biliktilik arttyrý kýrstarynan ótedi. Bıyl 450 maman arnaıy kýrstardan ótýi tıis», dedi mınıstrliktiń resmı ókili Móldir Ábdýalıeva.
