Foto:uralskweek.kz
«Áleýmettik kómek pen áleýmettik qamsyzdandyrýǵa jumsalatyn shyǵyndar kólemi azdap ózgerdi. 2022 jylmen salystyrǵanda 7,4%-ǵa artyp, 2023 jyly 4,7 trln teńgeni qurady (2022 jyly 4,3 trln teńge)», delingen habarlamada.
Shyǵyndardyń osy túriniń barlyq derlik somasy 2023 jyly 99,4% – áleýmettik qamsyzdandyrýǵa (azamattardyń jekelegen sanattaryn áleýmettik qamsyzdandyrý jáne olardy tólemderdi qoldaý, halyqaralyq uıymdarmen birlesip júzege asyrylatyn jobalardy iske asyrýdy qamtamasyz etý), 0,6% – áleýmettik kómek jáne áleýmettik qamsyzdandyrý salasyndaǵy ózge de qyzmetter (respýblıkalyq deńgeıde halyqty áleýmettik qorǵaý men kómek kórsetý, sondaı-aq áleýmettik qorǵaý júıesin jáne ınfraqurylymyn damytý, eńbek, jumyspen qamtý, áleýmettik qorǵaý salasyndaǵy memlekettik saıasatty qalyptastyrý) jáne kóshi-qon, eńbekti qorǵaý salasyndaǵy qoldanbaly ǵylymı zertteýler, ónimdi jumyspen qamtýdy damytý jáne t.b.) quraıdy.
«О́tken jyly jergilikti bıýdjetterdiń shyǵyndar qurylymynda áleýmettik kómek pen áleýmettik qamsyzdandyrýǵa shyǵystar 5%-dy qurady (2022 jyly 4,8%). Absolıýtti mánde áleýmettik kómek pen áleýmettik qamsyzdandyrýǵa jumsalǵan shyǵyndar kólemi 2022 jylmen salystyrǵanda 28,2%-ǵa ósip, 2023 jyly 639 mlrd teńgege jetti (2022 jyly 498,6 mlrd teńge)», dep habarlady ınstıtýt.
2023 jyly áleýmettik kómek pen áleýmettik qamsyzdandyrýǵa jumsalǵan shyǵystardyń eń kóp úlesi Túrkistan oblysyna – 11,4% (2022 jyly 11,6%) jáne Almaty qalasyna – 9,0% (2022 jyly 8,9%) tıesili. Eń az úles Ulytaý oblysynda – 1,0% (2022 jyly 1,0%) boldy.
Qyrmyzy JUMAǴALIQYZY,
EUÝ stýdenti
