Partııa «Taza Qazaqstan» jalpyulttyq naýqany aıasynda Road-estafetasyn bastaǵan bolatyn. Osy aptada partııanyń júzdegen belsendisi men «Jastar Rýhy» jastar qanatynyń volonterleri «Astana – Almaty» tasjoly boıynyń aýmaǵyn tazartady.
Osylaısha, «Qoqysty syılyqqa aıyrbasta» aksııasy aıasynda qala turǵyndary shyny, qaǵaz, metall jáne plastık qaldyqtaryn ótkizip, ony ımıdjdik syılyqtarǵa aıyrbastady.
О́z kezeginde, «AMANAT» partııasy Qaraǵandy oblystyq fılıalynyń tóraǵasy Bekzat Altynbekov pen «Jastar Rýhy» jastar qanatynyń tóraǵasy Aqerke Iskanderova azamattardy aksııaǵa belsendi qatysýǵa shaqyryp, qorshaǵan ortanyń tazalyǵy ortaq jaýapkershilik ekenin eske saldy. Sondaı-aq qoqysty durys suryptaýdyń mańyzyna toqtaldy.
«Biz qoǵam nazaryn elimizdegi ekologııa máselesine, tabıǵattyń lastanýyna, vandalızm kórinisterine aýdarǵymyz keldi. Bizdiń maqsatymyz – jastar arasynda ekologııalyq mádenıet qalyptastyrý. Sondyqtan ár azamattyń belsendi áreket etýi – asa mańyzdy. Al jınalǵan qoqys qaıta óńdeýge jiberiledi», dedi Aqerke Iskanderova.
Aksııa barysynda óńirdiń ónerli jastary qala turǵyndaryna arnap konserttik baǵdarlama uıymdastyrdy.
Aıta keteıik, atalǵan aksııa tek Qaraǵandyda ǵana emes, Road-estafeta barysynda birneshe qalada jalǵasyn tabady.
Qyrmyzy JUMAǴALIQYZY,
EUÝ stýdenti
