Balmuzdaqtyń 120 túrin shyǵarady

Seriktestik basshysy Islam Davýzdyń aıtýynsha, munda «Sladarı» markasymen sút ónimderiniń 70-ten astam túri shyǵady eken. Jıyrma jylǵa jeteǵabyl ýaqyt tynymsyz jumys istep kele jatqan kásiporyn osy saladaǵy jo­ǵary ma­rapattyń birazyn ıelengen.

«Qandaı da bir ónim alý úshin kásipke bet burǵan azamat aldymen ozyq tehnologııalar­men jumys isteýge den qoı­ǵany abzal. Sonda ǵana ol óz isin ilgerilete alady. Son­daı-aq tabıǵı shıkizatty paıdala­nýdyń mańyzy zor», deıdi ol.

San men sapany qatar alyp júrgen seriktestik basshysy jańa ónimder jelisin aldaǵy ýaqytta Eýropa elderine eks­portqa shyǵarýdy josparlap otyr. Qazirgi kezde osy baǵyt boıynsha naqty jumystardy qolǵa alǵan. Qysqasy, mundaǵy jumys aýqymyna qarap, «Kýlıkov jáne K» JShS-nyń kondıterlik ónimderi kári qur­lyqqa jol tartatyn kún alys emes. Seriktestik qazirgi kezde balmuzdaqtyń 120 túrin shyǵarady. Kásipkerdiń aıtýynsha, sońǵy ýaqytta sút ónimderine degen suranys aı­tarlyqtaı artqan. Son­dyqtan ol assortımentti keńeıtýge kúsh salyp jatyr.

«Bizdiń aýdanda óndiriletin balmuzdaq túrleri elimizdiń ár qıyryndaǵy qalalardyń dúken sórelerinde tolyp tur. О́zimizge ǵana tán arnaıy reseptimen shyǵarylǵan balmuzdaqtar­dyń eksklıýzıvti túrlerine qyzy­ǵý­shylardyń qatary art­qany qýantady. Ásirese muzdatylǵan jáne keptirilgen jıdekter aralasqan bal­muz­daqtyń jańa túrine sura­nys joǵary», deıdi kásipker.

Islam Davýz basqaratyn seriktestiktiń tabıǵı tańqýraı men qulpynaı aralasqan «Sladarı Vostoka» ónimin jo­ǵary baǵalaýshylardyń qa­rasy qalyń. Ilgeride jurt­shylyqqa etene tanys «Plom­bır» men «Qaraqum» sekildi tátti balmuzdaqqa jańa reseptimen aıryqsha dám ber­genin de aıta ketken lázim.

«О́ndiretin ónimderimizdi brendke aınaldyrý úshin qol­dan kelgenshe jumys istep jatyrmyz. Menedjerlik jáne marketıngtik qadamdardyń ma­ńyzy qaı kezde de zor. «Sla­darıdi» brendke aınaldyrý úshin arnaıy kólikter qol­danamyz. Sondaı-aq ónimniń qap­tamasyna qatysty dızaınǵa da aıryqsha den qoıamyz. Munyń barlyǵy ónimniń brend bolýyna septigin tıgizetini daýsyz», deıdi I.Davýz.

Naryqty ekologııalyq taza ónimmen qamtamasyz etý­di maqsat etken seriktestik sol ıdeıanyń údesinen shyǵyp otyr. Qazir «Qordaı sút ónim­deri» kásiporny óndiretin táttilerge degen suranys aı­tar­lyqtaı ulǵaıdy. Munyń barlyǵy tynymsyz eńbek pen úzdiksiz izdenistiń nátıjesi. Zy­myrandaı zýlaǵan ýaqyt kóshi alǵa ozsa da, seriktestik qyzm­ketkerleri ózderi al­ǵa qoıǵan maqsattan esh aıny­ma­ǵany ras.

Islam Davýz basqaratyn kásiporyn aldaǵy ýaqytta aýyl sharýashylyǵy ónimderin óńdeý baǵytyna da den qoıyp otyr. Naqtyraq aıtsaq, ashy­tylǵan sút jelisin iske qosyp, óndiris kólemin arttyrý joldaryn qarastyryp kórmek. Árıne, ol úshin tabıǵı sút jetkilikti bolýy shart. Osy bir ózekti másele retimen sheshilse, «Snejok» vanıldi aıranynyń dámin saǵynǵandar ańsaǵan ónimmen qaıta qaýy­shýy yqtı­mal.

Jambyl oblysy,

Qordaı aýdany