«Taza Qazaqstan» • 14 Maýsym, 2024

Elimizde «Taza Qazaqstan» respýblıkalyq ekologııalyq aksııasy ótip jatyr

180 ret

kórsetildi

2 mın

oqý úshin

Memleket basshysynyń tapsyrmasy boıynsha 6 sáýir men 11 mamyr aralyǵynda sý tasqyny bolmaǵan óńirlerde «Taza Qazaqstan» respýblıkalyq ekologııalyq aksııasy ótti, dep habarlaıdy Egemen.kz Aqordanyń baspasóz qyzmetine silteme jasap.

Shyńǵys MUQAEV

Elimizde «Taza Qazaqstan» respýblıkalyq ekologııalyq aksııasy ótip jatyr

Foto: Shymkent qalasynyń ákimdigi

Atalǵan bastamany qoldaý maqsatynda apta saıyn «Taza ólke», «Kıeli meken», «Jasyl aımaq», «О́negeli urpaq» jáne «Móldir bulaq» atty sharalar uıymdastyrylyp, eldi mekenderdiń aýmaqtaryn kógaldandyrý, sanıtarııalyq tazalaý jáne abattandyrý jumystary júrgizildi.

Jergilikti atqarýshy organdardyń málimetteri boıynsha aksııaǵa 2,4 mıllıonǵa jýyq adam, sonyń ishinde eriktiler, qoǵam qaıratkerleri, bıýdjettik uıymdardyń qyzmetkerleri men kásipkerler qatysty. Júzdegen myń aýla men 20 myńnan astam áleýmettik nysannyń aýmaǵy tazartyldy, 900 myń tonnadan astam qoqys shyǵaryldy, shamamen 2,5 mıllıon kóshet otyrǵyzyldy. 4,6 myńnan astam qoǵamdyq oryndar, saıabaqtar, shaǵyn baqtar abattandyryldy. Shamamen 300 myń sharshy metr kóshe-jol jabyny (plıtka, kespe tas jáne t.b.) jóndeldi jáne aýystyryldy. 5 myńnan astam tarıhı-mádenı nysan jáne 758 sýburqaq retke keltirildi.

Sonymen qatar ózender men kólderdiń jáne basqa da sý aıdyndarynyń aınalasyndaǵy 5,8 mıllıon sharshy metrden astam aýmaq, 8,4 mıllıon metrden astam aryq tazartyldy.

Atalǵan is-sharaǵa 40 myńnan astam arnaıy tehnıka tartyldy.

Sonymen qatar sý deńgeıi tómendep, qaýip-qaterdiń azaıýyna baılanysty sý tasqyny bolǵan óńirlerdiń ákimdikteri bıylǵy maýsym aıynan bastap respýblıkalyq ekologııalyq aksııaǵa qosyldy. Bul baǵyttaǵy jumystar jalǵasyp jatyr.

Qazirgi ýaqytta Prezıdenttiń tapsyrmasyna sáıkes Úkimet Halyq arasynda ekologııalyq mádenıetti damytýdyń 2024-2029 jyldarǵa arnalǵan tujyrymdamasyn ázirleýge kiristi. Qujat bıylǵy 1 qyrkúıekke deıin daıyndalady. Bekitilgen tujyrymdamany júzege asyrý úshin ákimdikter aldaǵy 5 jylǵa arnalǵan tıisti óńirlik jospar qabyldaıdy.