Foto:polisia.kz
Mamyr aıynda О́skemen qalasynda jıhaz bıznesiniń atyn jamylyp, sıntetıkalyq esirtki óndirisin jolǵa qoıǵan jergilikti turǵyn ustaldy. Ol qoımany jalǵa alyp, jabdyqtar men hımııalyq zattar ákelgen.
Kúdiktini ustaý kezinde 1,5 kg jýyq daıyn esirtki, bir jarym tonna prekýrsor, sondaı-aq zerthanalyq jáne býyp-túıýge arnalǵan jabdyqtar tárkilendi.
Tekserýden keıin onyń Qostanaı, Petropavl qalalary jáne Almaty oblysyndaǵy uqsas zerthanalarmen baılanysy bar ekeni anyqtaldy. Polısııa qyzmetkerleri qylmyskerlerdiń qozǵalys marshrýty jáne kún tártibin baqylaýda ustady. Osylaısha polıseıler bir mezette birqatar óńirde jedel operasııa ótkizdi.
Rýdnyı qalasynda da jaldamaly úıdiń monshasyn zerthana etip jabdyqtaǵan eki adam ustaldy. 300 gramnan asatyn daıyn esirtki, hımııalyq zattar, qorǵanysh kostıýmder jáne jabdyqtar tárkilendi. Al kólikterinen satýǵa daıyn esirtki tabyldy.
Almaty oblysynda mefedron óndirisimen aınalysqan taǵy eki kúdikti ustaldy. О́ndiristiń sońǵy satysyndaǵy esirtki, prekýrsorlar jáne jabdyqtar tárkilendi. Tergeý kezinde ustalǵandar esirtki jasyrylǵan on jerdi kórsetip, jalpy salmaǵy shamamen 3 kg asatyn esirtki tabyldy.
«Jalpy qala kóshelerine sıntetıkalyq esirtkiniń 11 myńǵa jýyq dozasynyń taralýyna tosqaýyl qoıyldy. Qabyldanǵan sharalardyń nátıjesinde 6 kg astam sıntetıka zańsyz aınalymǵa enbedi, 4 tonnaǵa jýyq prekýrsor tárkilendi», dedi departament bastyǵy – IIM resmı ókili Shyńǵys Alekeshev.
