Foto: Egemen Qazaqstan/Erlan Omarov
Mınıstrdiń aıtýynsha, mektepterde 4 pán boıynsha jalpy 38 sabaq qaýipsizdik taqyrybyna arnalǵan. Sonymen qatar bıylǵy oqý jylynda 2 327 tıisti synyp saǵaty uıymdastyryldy.
«Jaz mezgilinde barlyq óńirlerde memlekettik organdar men ákimdikter ókilderiniń birlesken monıtorıngtik toptary quryldy. Monıtorıng toptar sý qoımalarynyń janynda ornalasqan qala syrtyndaǵy 31 lagerler men 127 basseınderdi qaýipsizdik turǵysynan zerdeledi, olarǵa sanıtarlyq baqylaý kúsheıtildi. Jazǵy demalysty uıymdastyrýshylarǵa arnalǵan balalar qaýipsizdigin qamtamasyz etý taqyrybynda respýblıkalyq 3 semınar-keńes ótkizildi», dedi vedomstvo basshysy
Al, jańa oqý jylynan bastap barlyq mektepterde 1-11 synyp oqýshylaryna, synyp saǵattary aıasynda apta saıynǵy qaýipsizdik sabaqtary engiziledi.
Budan bólek bıyl osy taqyrypta synyptan tys 1852 ınteraktıvti ashyq sabaq jáne 1162 oqý-jattyǵý ótkizildi.
Búginde bilim berý uıymdarynda 10476 qaýipsizdik buryshtary ornatylǵan, 2800 «Jas qutqarýshy» úıirmeleri jumys isteıdi.
«Jalpy jazataıym oqıǵalardyń 95% shomylýǵa tyıym salynǵan jerlerde bolady. Osyǵan baılanysty memlekettik organdar men ákimdikter sýǵa túsýge tyıym salynǵan jáne ruqsat etilgen oryndardyń tizimin jańartyp, qutqarý kezekshiligin uıymdastyryp, eskertý belgilerin ornatý jumystaryn kúsheıtýi qajet», dedi Ǵanı Beısembaev.
