Foto: Telegram/QR_Su_resurstari_ministrligi
Buǵan deıin Sý sharýashylyǵy jáne ırrıgasııa mınıstri Nurjan Nurjigitov Shyńǵystaý Ábdıevke alǵys hat joldaǵan edi. Qazirgi tańda sý sharýashylyǵy ardageri jas áriptesterine kásiptiń qyr-syryn úıretip júr.
«Shyńǵystaý Kıbashulynyń kásibıligi men kóp jyldyq tájirıbesi Aqtóbe sý qoımasynyń tolyp ketýine jol bermeýge yqpal etti. Oǵan jáne sý tasqyny kezinde obektilerde táýlik boıy jumys istegen barlyq mamandarǵa tótenshe jaǵdaı kezinde mamandyqqa adaldyǵy men janqııarlyǵy úshin alǵys bildiremin», dep atap ótti Sý resýrstary jáne ırrıgasııa mınıstri Nurjan Nurjigitov.
Eske salaıyq, kúni keshe, 19 maýsymda Aqordada sý tasqynyna qarsy is-sharalarǵa belsendi qatysqan azamattardy saltanatty marapattaý rásimi ótti.
Osy jyldyń naýryz aıynyń sońynda Shyńǵystaý Ábdıev pen basqa da mamandar (elektrık, ınjener, mehanık jáne jol dıspetcherleri) Aqtóbe sý qoımasyndaǵy ekinshi qulypty iske qosyp, ashyp, onyń tolyp ketýine jol bermedi.
Ol kezde Shyńǵystaý Ábdıev zeınetker edi. Ol Aqtóbe oblysyndaǵy «Qazvodhozdyń» ótinishine birden jaýap berdi. Zeınetker jarty saǵattyń ishinde aqaýlardy joıýǵa kómektesti. 36 jyldyq tájirıbesi bar maman kranǵa otyryp, ekinshi klapandy ashty. Osylaısha, Aqtóbe sý qoımasynan qajetti kólemdegi sýdy der kezinde bosatyp, onyń asyp ketýine jol bermeýge múmkindik týdy.
Qyrmyzy JUMAǴALIQYZY,
EUÝ stýdenti
