Foto:egemen.kz
Úkimet basshysy qazirgi ýaqytta kóptegen bizdiń azamattardyń shetelde jumys istep jatqandyǵyn jáne jumys babymen barǵysy keletinderdiń kóp ekenin atap ótti. Bul olardyń eńbek qatynastaryn zańdastyryp, quqyqtaryn qorǵaýdy talap etedi.
«Olarǵa jalaqy tólenbegen, medısınalyq qyzmet kórsetilmegen, kelisimsharttar óreskel buzylǵan faktilerdi bilemiz. Sondyqtan qazir tıisti úkimetaralyq kelisimder jasasý boıynsha jumystar júrgizilip jatyr. Qazirdiń ózinde shetelde azamattarymyzdy jumysqa ornalastyratyn jeke agenttikterdiń jumysyn júıeleý qajet. Qazaqstan azamattary kelisimshart boıynsha senimdi kepildikter alýy tıis», dedi O.Bektenov.
Premer-mınıstr Eńbek jáne halyqty áleýmettik qorǵaý mınıstrligine osy baǵytta keshendi sharalar qabyldaýdy tapsyrdy.
«Sonymen qatar shetelde jumys istegisi keletinder úshin kásibı jáne tildik oqytý ortalyqtaryn ashýǵa bolady. Mysaly, olardy Shyǵys Qazaqstan, Túrkistan jáne Almaty oblystarynda ashý josparlanyp otyr. Bul óńirlerdiń ákimderi bul jumysty jedeldetýi qajet. Basqa óńirlerge osy tájirıbeni paıdalanýǵa bolady», dep atap ótti Úkimet basshysy.
Oljas Bektenovtiń aıtýynsha, qabyldanǵan barlyq júıeli sharalardy júzege asyrý sapaly jumyspen qamtýdy qamtamasyz etýge jáne halyqtyń tabysyn arttyrýǵa múmkindik beredi. Premer-mınıstr oblys ákimderine turaqty jumys oryndaryn qurýǵa basa nazar aýdara otyryp, jumyspen qamtý josparlarynyń oryndalýyn jeke baqylaýǵa alýdy tapsyrdy.
