Mádenı is-shara el Prezıdenti Q.Toqaev pen QHR Tóraǵasy Sı Szınpınniń birlesken málimdemesine sáıkes 2024 jyly Qytaı Halyq Respýblıkasyndaǵy Qazaqstan Respýblıkasynyń Týrızm jylyn atap ótý týraly ýaǵdalastyǵyn iske asyrý aıasynda ótip otyr.
О́ner keshine Qazaqstannyń eńbek sińirgen qaıratkerleri Elmura Jańabergen, Ardaq Balajanova, Saltanat Ahmetova, Medet Chotabaev, Mádenıet qaıratkeri Erbolat Shaldybekov, halyqaralyq jáne respýblıkalyq konkýrstardyń laýreaty Ádilhan Makın, sondaı-aq «Gúlder» jáne «Astana sazy» ansamblderi qatysty.
О́nerpazdar dástúrli jáne zamanaýı ult mádenıeti men rýhanııatyn tanystyryp, otandyq kompozıtorlar men halyq ánderin shyrqap, qazaqtyń kıeli qara dombyrasy men qylqobyzy arqyly ulttyq ónerimizdi qytaı jurtshylyǵyna pash etti.
Belgili otandyq oryndaýshylardyń qatysýymen ótetin mýzykalyq kesh ónersúıer qaýym úshin naǵyz mereke boldy. Saltanatty konsert beıbitshilik pen kelisimdi maqsat tutqan kórshi halyqtardyń ekijaqty qatynasynyń damýyna serpin berip, ulttar dostyǵy men syılastyǵynyń artýyna qosylǵan úles ispettes ekeni anyq.
Aıta keteıik, gastroldik sapar Mádenıet jáne aqparat mınıstrliginiń, Syrtqy ister mınıstrliginiń jáne dıplomatııalyq ókildikterdiń qoldaýymen júzege asyrylyp otyr.
